ئەمڕۆ پێنجشەممە 7ی 12ی 2023، دەستەی كەشناسی عێراق لە ڕاگه‌یاندراوێكدا بڵاوی كرده‌وه، كەشوهەوا بۆ سبەی هەینی، لە ناوچەكانی ناوەڕاست و باشووری عێراق نیمچە هەور دەبێ، بۆ نیوه‌ڕۆ دەگۆڕێ بۆ هەوری تەواو، لەگەڵ ئەگەری بارانبارین لە شەودا و لە باكووری عێراق و هه‌رێمی كوردستان نیمچە هەور دەبێت.
ئه‌وه‌ش خراوه‌ته روو، كەشوهەوای ڕۆژی شەممەی داهاتوو لە ناوچەكانی ناوەڕاست و باكووری عێراق و هه‌رێمی كوردستان هەور دەبێ و باران ده‌بارێ كە ڕەنگە لە هەندێك كاتدا ڕەشەبای له‌گه‌ڵدا بێ، لە ناوچەكانی باشووریش كەشوهەوا هەور دەبێ، وردە وردە دەگۆڕێت بۆ نیمچە هەور.
ئاماژه به‌وه‌ش دراوه، كەشوهەوای ڕۆژی یەكشەممەی داهاتوو لە ناوچەكانی ناوەڕاست و باشوور ساماڵ دەبێ لەگەڵ هەندێك هەور، هاوكات كەشوهەوای ناوچەكانی باكوور و هه‌رێمی كوردستان ساماڵ ده‌بێ و بۆ نیمچە هەور ده‌گۆڕی، لەگەڵ ئەگەری بارانبارینی كەم.
وەڵام بدەوه