ھەواڵێکی گرنگ بۆ بەکارھێنەرانی کۆڕەک تیلیکۆم

ماوەی زیاتر لە مانگێکە لەلایەن عێراقەوە پەیوەندییەکانی کۆمپانیای کۆڕەک تیلیکۆم بە هێڵەکانی دیکەی وەک ئاسیاسێڵ و زین راگیراوە، بەڵام دەنگۆی ئەوە هەیە، کە جارێکی دیکە لە ١٥ی ئەم مانگەوە پەیوەندییەکان دەست پێ دەکەنەوە.

لەمبارەیەوە، سیروان بارزانی، خاوەنی کۆمپانیای کۆڕەک تیلیکۆم راگەیاند: “تا ئێستا لێژنەی گواستنەوە و پەیوەندییەکانی پەرلەمانی عێراق سێ دانیشتنیان لەگەڵ کۆمپانیای کۆڕەک تیلیکۆم و كۆميسيۆنى راگەياندن و گەیاندن ئەنجام داوە و راپۆرتەکانیان بە ئەنجوومەنی وەزیرانی عێراق دەدەن

هاوکات لەبارەی ئەوەی ١٥ی١٢ی٢٠٢٣ پەیوەندییەکان دەست پێ دەکەنەوە، سیروان بارزانی گوتیشی: “هێشتا دڵنیا نین، بەڵام ئەگەر هەیە پيش کۆتایی ئەمساڵ دەست پێ بکەنەوە، هەرچەندە لە عێراقدا هیچ شتێک دڵنیایی نییە، وەک بودجەی هەرێم بەنموونە.

سەبارەت بەوەی، کە کۆمپانیای کۆڕەک تیلیکۆم بە پێنەدانی باج و کۆبوونەوەی بڕە پارەی زۆر لەسەری، لەلایەن عێراقەوە تۆمەتبار کراوە، سیروان بارزانی راگەیاند: ئەوە راستە، بەڵام بەگوێرەی یاسا و دادگا پارەی کۆڕەک تیلیکۆم زۆر لەوە زیاتر لەلای ئەوانە.”