پارێزگارى هەولێر، پێشوازی لە کونسوڵی ڕووسیا کرد

ئەمڕۆ یەکشەممە 2022.4.3، ئومێد خۆشناو، پارێزگارى هەولێر، لەدیوانى پارێزگا، پیشوازی له‌ ئۆلێگ لێڤین، كونسوڵی گشتیی كۆماری ڕووسیای فیدڕاڵ له‌هەولێر كرد.  
لەسەرەتای دیدارەکەدا، كونسوڵی گشتیی كۆماری ڕووسیای فیدڕاڵ، سەرسامی خۆى بەو ھەموو پێشکەوتن و خزمەتگۆزاریانەی کە لە شاری ھەولێر ئەنجامدراوە نیشاندا و  تەئکیدی لەسەر پەرەپێدانی زیاتری پەیوەندییەکان کردەوە و ئامادەی خۆی و وڵاتەکەشی نیشاندا بۆ هەر هاوکاری و هەماهەنگییەک لەگەڵ پارێزگای هەولێر و رایگەیاند:  "هیوادارین لە ڕووی ئابووری و بازرگانی و وەبەرهێنانەوە پەیوەندییەکانمان بەرەو پێش ببەین".
لەلایەن خۆیەوە، پارێزگاری هەولێر، زۆر بەگەرمی بەخێرهاتنی كونسوڵی گشتیی كۆماری ڕووسیای فیدڕاڵ کرد و تەئکیدی لەسەر پەرەپێدانی پەیوەندیەکانی و هەماهەنگی نێوانیان کردەوە، و رایگەیاند: "هیوادارین پەیوەندییەکانی نێوانمان لەبوارەکانی پیشەسازی و بازرگانی و گەشت و گوزار پەرەى زیاترى پێبدرێت".
 لەتەوەرێکى ترى دیدارەکەدا، تیشک خرایە سەر دوایین پێشهاتە سیاسی و ئه‌منى و ئابوورییەکانی ئەمڕۆی هه‌رێمی كوردستان و عێراق و ناوچه‌كه‌ و باس لە کار و چالاکییەکانی پارێزگاى هەولێر و پلان و به‌رنامه‌ى كارى پارێزگاى هەولێر کرا.