شاخەوان عەبدوڵڵا: لەمەوبەدوا سوپای عێراق دەستوەردان لە کاروباری جووتیاران ناکات
ئەمڕۆ یەکشەممە 13ـی ئابی 2023، بە سەرۆکایەتی شاخەوان عەبدوڵڵا، جێگری سەرۆکی پەرلەمانی عێراق و بە ئامادەبوونی هادی عامری، سەرۆکی لیژنەی باڵای جێبەجێکردنی ماددەی 140ـی دەستووری هەمیشەیی عێراق، کۆبوونەوەیەکی بەرفراوانی لیژنەکە لە پەرلەمانی عێراق بەڕێوەچوو، بە دەنگی زۆرینەی ئەندامانی لیژنەی باڵای ماددەی 140، بڕیادرا سوپای عێراق دەستوەردان لە کاروباری جووتیارانی ناوچە کوردستانییەکان نەکات و چیدیکە سوپا رێگری لە کاری کشتوکاڵی هاووڵاتییانی ئەو ناوچانە نەکات، چونکە ئەو کارە پێچەوانەی دەستوورە. گوتیشی، ئەوانەی خاوەن زەوییەکانن، دەتوانن زەوییەکانیان بکێڵن و رێگرییان لێ ناکرێت. بە گوتەی شاخەوان عەبدوڵڵا، لەگەڵ هادی عامری و ئەندامانی دیکەی لیژنەکە رێککەوتوون، کۆبوونەوەکانی لیژنەی باڵای ماددەی 140 هەموو هەفتەیەک ئەنجامبدرێت، بۆ ئەوەی جێبەجێکردنی ماددەکە، بچێتە قۆناغێکی باشترەوە.
وەڵام بدەوه