کاتی کۆتاییھاتنی ئەم شەپۆلە گەرمایە ئاشکراکرا.

سیروان ساڵح، شارەزای بواری كەشناسی ڕایگەیاند، بەپێی داتا تۆمارکراوەکانی ساڵانی ڕابردوو، هاوینی ئەمساڵ یەکێکه له هاوینە ئاساییەکان و ئەم شەپۆلە گەرمایه نەبێت، مانگەکانی 6 و 7 زۆر ئاسایی بوون، ئەو شەپۆلە گەرمایەی ئێستاش شەپۆلێکی ئاسایی و کورتخایەنە.

ئەوەشی خستووەتە ڕوو، بەنمونە هاوینی 2015 نزیکەی دوو مانگ لەسەریەک پلەکانی گەرمی لە دەشتەکانی گەرمیان 50° پله یان زیاتر تۆمارکراون، ئەم شەپۆلەی چەند ڕۆژێکه کاریگەری هەیه له زۆربەی ناوچەکان پلەی گەرمی نەگەیشتۆتە 50° پلە، تەنیا لە دەوروبەری خانەقین و دەریاچەی حەمرین نەبێت 50.6 پلە تۆمارکراون.

هاوكات ئەو شارەزاییەی بواری كەشناسی، لە بارەی ئەم شەپۆلە گەرمایەی كە چەند ڕۆژێكە دەستی پێكردووە ڕایگەیاند، ئەم شەپۆلە تا ناوەڕاستی هەفتەی داهاتوو بەردەوام دەبێت.