عەلی زەیدی فەرمانی دەرکرد

دەقی ڕاگەیەندراوی نوسینگەی عەلی زەیدی:
- فەرماندەی گشتیی هێزە چەکدارەکان، سەرۆکی ئەنجومەنی وەزیران بەڕێز عەلی فالح ئەلزەیدی، ئەمڕۆ دووشەممە، ڕێنمایی دا بە لایەنە ئاسایشییە پەیوەندیدارەکان بۆ لێکۆڵینەوە لەوەی لە ڕاگەیەندراوەکەی وەزارەتی بەرگریی شانشینی عەرەبستانی سعوودیدا هاتبوو، دەربارەی بەئامانجگرتنی شانشینەکە بە فڕۆکەی بێفڕۆکەوان لە خاکی عێراقەوە، بەپێی زانیارییەکانی لایەنی سەعوودی.
- حکومەتی عێراق جەخت لەسەر پابەندبوونی دەستووری و نەگۆڕی خۆی دەکاتەوە بە بنەماکانی دراوسێیەتیی باش، و ڕێنەدان بە بەکارهێنانی خاکی عێراق وەک تێپەڕگە یان دەستپێک بۆ هر دەستدرێژییەک کە وڵاتانی برا یان دۆست بکاتە ئامانج، و بەدواداچوون بۆ بەڵگە و زانیارییەکان دەکات، و ڕێکارە یاساییەکان دەگرێتە بەر بەرامبەر هەر کەسێک کە تێوەگلانی لە کردەوەی وەهادا بسەلمێت، بەپێی ئەنجامی لێکۆڵینەوەکان.
- هەروەها حکومەت جەخت دەکاتەوە کە پەیوەندییەکان لەگەڵ شانشینی عەرەبستانی سعوودیدا پەیوەندیی برايانە، چەسپاو و قووڵن، کە لەسەر بنەمای ڕێزی متقابل، بەرژەوەندیی هاوبەش و بنەماکانی دراوسێیەتیی باش دامەزراون، و ڕێگە بە هیچ هەوڵێک نادات بۆ دەستکاریی یان زیانگەیاندن بەم پەیوەندییە، و بەردەوام دەبێت لە کارکردن بە هەموو بڕیاردارییەکەوە بۆ پاراستنی ئاسایشی عێراق و بەهێزکردنی سەروەرییەکەی، و پاراستنی ئاسایش و سەقامگیریی دەوروبەرە عەرەبی و ناوچەیییەکەی.