نێردەی سەرۆكی ئەمەریكا بۆ عێراق لە رێگەی "ئێكس"ەوە نووسیویەتی، لەگەڵ جۆ وێڵسن ئەندامی كۆنگریس كۆ بوونەتەوە و گفتوگۆی زۆریان لەبارەی دۆخی عێراقەوە كردووە. دواتر دەڵێت جارێكی تر عێراق بەهێز و گەورە دەكەینەوە.
پێگەی "شەفەپق نیوز" ئەمڕۆ پێنجشەم 18ی كانوونی یەكەم بڵاوی كردووەتەوە، مارك ساڤایا نێردەی دۆناڵد ترەمپ سەرۆكی ئەمەریكا بۆ عێراق، لە نووسینەكەی لە "ئێكس" دووپاتی كردووەتەوە كە لەگەڵ جۆ وێڵسن ئەندامی كۆنگریس و تیمەكەی، كۆبوونەوەیەكی زۆرباشیان لەبارەی دۆخی عێراق كردووە، هەموو لەسەر ئەوە رێككەوتوون كە لە كارەكانیان، جارێكی تر عێراق بەهێز و گەورە دەكەنەوە و لە ژێر هەژمونی ئێران رزگاری دەكەن.
لەلایەكی تریشەوە جۆ وێڵسن لە "ئێكس" بڵاوی كردووەتەوە، زۆر دڵخۆش بووە بە میواندارییەكەی ساڤایا. دووپاتی كردەوە كە كۆبوونەوەكەیان تایبەت بووە بە دۆخی عێراق.
وێڵسن كە بەوە دەناسرێنەوە پرسە گرنگەكان لەبارەی عێراق و رۆژهەلاتی ناوەڕاست دەخاتە بەر رۆشناییەوە، ئەوەشی گوت كە هەوڵ دەدات لە نزیكەوە كار لەگەڵ ساڤایا بكات بۆ رزگاركردنی عێراق لە هەژموونی ئێران.
دووپاتی كردەوە، هیچ كەسێك ئەوەندەی ساڤایا بوێر نییە تا بتوانێ كار لەسەر ئەو پرسە لە عێراق بكات كە لە بەرژەوەندیی بەرنامەكانی سەرۆك ترەمپ بێت.
هەردوو بەرپرسی ئەمەریكی ساڤایا و وێڵسن، وێنەیەكی هەردووكیان پێكەوە بڵاو كردووەتەوە كە ئاڵای عێراقیان بەرز كردووەتەوە، ئەویش وەك هێمایەك كە عێراق لە هەژموونی ئێران رزگار دەكەن.
KurdistanPress
کوردستان پڕێس سەرچاوەیەکى گرنگ بۆ بینینى نوێترین هەواڵى سیاسیى , کۆمەڵایەتى,لە هەرێمی کوردستان ,ئەوروپا ئێمە فۆکس دەخاینە سەرئەوبابەتانەى کوردانەن و پەیوەندیان هەیە بە ئایندە و داهاتووى گەلەکەمان , ئامانجان بڵاوکردنەوەى بابەتى ڕۆشنبیرى و چەسپاندنی دیموكراتی, کارەنمان بڵاو دەکەینەوە لەڕیگەى ویب سایت و سۆشیال میدا لەئیستادا تەنیا بەزمانى کوردى بابەتەکانمان بڵاو دەکەینەوە لەناوخۆى کوردستان و ئەوروپا لە داهاتووى نزیک بەزمانى تریش کارەکانمان بڵاو دەکەینەوە ئامانجمان ئەوەیە ببینە سەرچاوەیەکى راست و گرنگ بۆ گەیاندنى هەوڵ بۆهەواداراکانمان بەپێى یاساکانى ڕۆژ نامەوانى , ئێمە لەڕێگەى لەتۆڕە کۆمەڵایەتیەکانمان و ویب سایتەکەمان بابەتەکانمان بڵاو دەکەینەوە
وەڵام بدەوه