ئه‌مڕۆ دووشه‌م سێی تشرینی یه‌كه‌م، ده‌سته‌ی كه‌شناسیی عێراقی له ڕاگه‌یه‌نراوێكدا ئاماژه‌ی به‌وه داوه، "پله‌كانی گه‌رما بۆ ئه‌مڕۆ له شاره‌كانی هه‌ولێر و دهۆك 37 پله و سلێمانی 38 پله و له به‌غدایش 39 پله ده‌بێت، هه‌روه‌ها له كه‌ركووك و مووسڵ و .سه‌ڵاحه‌دین 40 پله‌ی سلیزی تۆمار ده‌كرێت"
له‌باره‌ی به‌رزترین پله‌ی گه‌رماوه ئاشكرا كراوه، شاره‌كانی به‌سره و میسان به 42 پله و موسه‌نا و ناسرییه به 41 پله ده‌بێت. ئه‌وه‌یش ڕوون كراوه‌ته‌وه كه به‌هۆی بوونی بایه‌كی توند له ناوه‌ڕاست و باشووری عێراقه‌وه، له سبه‌ینێوه خۆڵبارین ئاسمانی .وڵاته ده‌ته‌نێت و ده‌گوازرێته‌وه بۆ شاره‌كانی هه‌رێمی كوردستانیش
شایانی باسه ساڵانه له وه‌رزی هاوین و پایزدا، چه‌ندان جار ئاسمانی عێراق و هه‌رێمی كوردستان تۆزاوی و خۆڵبارین ده‌بێت و زیانێكی زۆر به كه‌شوهه‌وا و كشتوكاڵ و خاكه‌كه‌ی ده‌گات، هۆكاری ئه‌م خۆڵبارینه زۆره‌یش له‌م چه‌ند ساڵه‌ی ڕابردوودا، بۆ ئه‌وه ده‌گه‌ڕێته‌وه گۆڕانكاری له كه‌شوهه‌وای دنیادا ڕووی داوه، له باشوور و ناوه‌ڕاستی عێراقیش زۆربه‌ی خاكه‌كه‌یان بووه‌ته بیابان
وەڵام بدەوه