بۆ پڕكردنه‌وه‌ی كورتهێنانی وزه‌ی كاره‌با كه دوای وه‌ستانی هاورده‌كردنی غازی ئێران له‌لایه‌ن ئه‌مه‌ریكا بۆی دروست بووه، وه‌زیری كاره‌بای عێراق رایگه‌یاند، بڕی كورتهێنانی وزه‌ی كاره‌با له ڕێگه‌ی وڵاتانی دراوسێ پڕده‌كه‌ینه‌وه.
ئه‌مرۆ یه‌كشه‌ممه زیاد عەلی فازڵ وەزیری کارەبای حكوومه‌تی عێراق بەئاژانسی هەواڵی عێراقی راگه‌یاندووه: ئامادەکارییەکان بۆ هاوینی ئەمساڵ نزیکن لە تەواوبوون و عێراق تا کۆتایی ساڵی داهاتوو بەستنەوەی تۆڕی کارەبایی لەگەڵ هەموو وڵاتانی دراوسێ تەواو دەکات.
زیاد عه‌لی فازڵ ئاماژەی بەوەشداوه: وەزارەت گەورەترین هەڵمەتی نۆژەنکردنەوەی یەکەکانی بەرهەمهێنانی بە توانای زیاتر لە 13000 مێگاوات دەست پێ کردووە و دەخوازێت سەرجەم یەکەکان پێش یەکی حوزەیران ئامادەی کارکردن بن.
ئاشكراشی كردووه: وەزیری کارەبا بەدواداچوونی بۆ پلانی ئامادەکارییەکان لە بوارەکانی بەرهەمهێنان و گواستنەوە و دابەشکردنی کارەبا کردووه و چاودێری پڕۆژەی بەستنەوەی کارەبایی لەگەڵ وڵاتانی کەنداو و ئوردن و تورکیا کردووه.
له نۆی مانگی شوباتی ئه‌مساڵ، به بڕیاری دۆناڵد تره‌مپ سەرۆكی ئەمەریكا بڕیار له‌سەر وه‌ستانی هاورده‌كردنی غازی ئێران بۆ عێراق درا و لێخۆشبوونه‌كه له‌لایه‌ن ئه‌مه‌ریكاوه درێژ نه‌كرایه‌وه، ئه‌مه‌ش وای كرد عێراق 30%ی وزه‌ی كاره‌با له ده‌ست بدات و چه‌ندین جاریش خودی وه‌زیری كاره‌بای عێراق دووپاتی له‌وه كردووه‌ته‌وه كه هاوینێكی گه‌رم له‌به‌رده‌م گه‌لی عێراق دایه.
KurdistanPress
کوردستان پڕێس سەرچاوەیەکى گرنگ بۆ بینینى نوێترین هەواڵى سیاسیى , کۆمەڵایەتى,لە هەرێمی کوردستان ,ئەوروپا ئێمە فۆکس دەخاینە سەرئەوبابەتانەى کوردانەن و پەیوەندیان هەیە بە ئایندە و داهاتووى گەلەکەمان , ئامانجان بڵاوکردنەوەى بابەتى ڕۆشنبیرى و چەسپاندنی دیموكراتی, کارەنمان بڵاو دەکەینەوە لەڕیگەى ویب سایت و سۆشیال میدا لەئیستادا تەنیا بەزمانى کوردى بابەتەکانمان بڵاو دەکەینەوە لەناوخۆى کوردستان و ئەوروپا لە داهاتووى نزیک بەزمانى تریش کارەکانمان بڵاو دەکەینەوە ئامانجمان ئەوەیە ببینە سەرچاوەیەکى راست و گرنگ بۆ گەیاندنى هەوڵ بۆهەواداراکانمان بەپێى یاساکانى ڕۆژ نامەوانى , ئێمە لەڕێگەى لەتۆڕە کۆمەڵایەتیەکانمان و ویب سایتەکەمان بابەتەکانمان بڵاو دەکەینەوە
وەڵام بدەوه