وردبینیکردن لە لیستی مووچە لە بەغدا لە قۆناغی کۆتایی دایە و بەپێی زانیارییەکانی لە 48 داهاتوودا تەواو دەبێت. دواتر دەخرێتە بەردەستی تەیف سامی بۆ پەسەندکردن و ناردنی پارە بۆ هەرێمی کوردستان.
لە چەند ڕۆژی ڕابردوودا بە چڕی کار لەسەر وردبینیکردن لە لیستی مووچە کراوە، شاندی وەزارەتی دارایی کوردستان هەر لە بەغدایە و بە هاوبەشی لەگەڵ تیمیە تەکنیکییەکانی وەزارەتی دارایی عێراق کاریان کردوو. سەرچاوەیەک لە شاندی دارایی هەرێمی کوردستان ڕاگەیاند، ئەمڕۆ و دوێنێ فەرمانبەرانی پەیوەست بە مووچە لە وەزارەتی دارایی عێراق لە ڕۆژانی پشووش کاریان کردووە و بۆ دوو مەبەست دەوامیان کردووە.
- بۆ دابینکردنی مووچەی مووچەخۆرانی عێراقە کە تاوەکو ئێستا لە عێراقدا دابەشکردنی مووچەی مانگی سێ تەواو نەبووە.
- بۆ وردبینیکردن لە لیستی مووچەی مانگی سێی مووچەخۆرانی هەرێمی کوردستان. تەنیا حەوت یان هەشت ڕۆژ بۆ جەژنی ڕەمەزان ماوە، یان یەکەشەممە یان دووشەممەی هەفتەی داهاتوو جەژنە. پێشتر چەند جارێک باس لەوە کراوە کە هەوڵەکان بۆ ئەوەن پێش جەژن مووچە دابەش بکرێت،
شاندی کوردستان لە بەغدا و لە وەزارەتی دارایی کوردستان ڕاگەیاندووە، خۆشبەختانە تا ئێستا هیچ گرفتێک لە وردبینیکردنی لیستی مووچە دروست نەبووە، لە یەک دوو ڕۆژی داهاتوودا کە وردبینییەکە تەواو دەبێت ئەگەر هیچ نەیەتە پێشەوە ناردنی پارە و دابەشکردنی زۆر ناخایەنێت.
- تەنانەت ئەگەر کۆتایی ئەم هەفتەیەش پارە بگات دەتوانرێ لە دوو بۆ سێ ڕۆژ مووچە دابەش بکرێت.
- میزان موراجەعەی مانگی دووش کە داهاتی ناوخۆ و خەرجییەکانی حکومەتی کوردستان دەگرێتەوە، ئەویش وا خەریکە تەواو دەبێت و لە دوو ڕۆژی داهاتوودا دەنێردرێت.
وەڵام بدەوه