ئەو بەرپرسەی لەسەر شەقامەکان ئۆتۆمبێلەکانی نمایش کرد پۆستەکەی لەدەستدا

بەگوته‌ى سەرچاوەیەکی ئەمنی ، محەمەد شیاع سوودانی، سەرۆک وەزیرانی عێراق و فه‌رمانده‌ى گشتیی هێزه‌ چه‌كداره‌كان، بڕیاری دەرکردنی ئوسامە كلدانى، براى ڕه‌یان كلدانى لە پۆستی جێگری فەرماندەی ئۆپەراسیۆنەکانی نەینەوای هێزەکانی حه‌شدی شه‌عبی دەرکرد.
ئەو سەرچاوەیە بۆ ئاژانسی (شەفەقنیوز) دووپاتی کردەوە کە سوودانی بڕیاری دەرکردنی ئوسامە كلدانى برای سەرۆکی "لیواکانی بابلیون"ی لە پۆستی جێگری فەرماندەی ئۆپەراسیۆنەکانی نەینەوای هێزەکانی حه‌شدی شه‌عبی دەرکردووە، بەبێ ئەوەی ئاماژە بە وردەکاری زیاتر بکات.
ئوسامه‌ كلدانى به‌وه‌ ناسرا بوو كه‌ لە سۆشیال میدیا هاوشێوه‌ى كچه‌ مۆدێله‌كان به‌ ئۆتۆمبێلی گرانبه‌ها و هه‌روه‌ها ژماره‌یه‌كی زۆر پاسه‌وانه‌وه‌ خۆى نمایش ده‌كرد و به‌و هۆیه‌شه‌وه‌ مشتومڕی لە سۆشیال میدیا و پرسیار لەسەر سەرچاوەی ئەم سامانە دروست ده‌کرد.