دەستەی كەشناسیی عێراق رای گەیاند كە رۆژی پێنجشەم، كۆتایی بە شەپۆلی سەختی سەرما دێت و راشی گەیاند كە لە رۆژی هەینی بەدواوە پلەكانی گەرما بەرەو ئاساییبوونەوە دەچن.
ئەمشەو یەكشەم 23ی شوباتی 2025، عامر جابری گوتەبێژی دەستەی كەشناسیی و بوومەلەرزەزانی عێراق لە لێدوانێكیدا بۆ ماڵپەڕی فەرمی ئاژانسی هەواڵی عێراق "واع" رای گەیاند، لە ئێستەدا تەواوی عێراق لە ژێر كاریگەریی بارستە هەوایەكی ساردی جەمسەرییە و بەفرێكی زۆریش لە ناوچە شاخاوییەكانی هەرێمی كوردستان و بەشێك لە ناوچەكانی رۆژئاوای عێراق باریوە.
جابری ئاماژەی دا، ئەم شەپۆلە سارد و سەختەی سەرما لە رۆژی پێنجشەمی ئەم هەفتەیە كۆتایی دێت و ئاماژەیشی كرد كە لە رۆژی هەینی دواتر و رۆژانی پاشی پلەكانی گەرما هەنگاو بەهەنگاو دەچنەوە سەر رێچكە ئاساییەكەی خۆی و سەرما سەختەكە كۆتایی دێت.
وەڵام بدەوه