مەترسی گەیشتە سنوری عێراق

دوای فراوانبوونی شەڕی سووریا، جێگری فەرماندەی ئۆپراسیۆنە هاوبەشەكان گەیشتە سنوورەكانی قائیم و هاوشێوەی ساڵی 2014 دەڵێن هەموو شتێك لە ژێر كۆنترۆڵدایە.

ئەمڕۆ شەموو حەوتی كانوونی یەكەم، بەگوێرەی راگەیەنراوی شانەی راگەیاندی تەناهیی عێراق، فەریق روكن عەبدولئەمیر رەشید یارەڵا و فەریق روكن قەیس محەمەداوی جێگری فەرماندەی ئۆپراسیۆنی هاوبەش، گەیشتنە دەروازەی قائیم.
 
ئاماژە بەوەش كراوە، سەردانەكە لە چوارچێوەی بەردەوامی تەواوكردنی پلان و بەسەركردنەوەی هەموو هێزەكانە بۆ رووبەڕووبوونەوەی هەر ئاڵنگارییەك.
 
بەپرسانی عێراق دەڵێن، هەموو ئامادەكارییان كردووە و هیچ مەترسییەك لەسەر عێراق نییە، ئەوەیش لەلایەن هاووڵاتییانی عێراقەوە هاوشێوەی لێدوانی بەرپرسانی عێراق لێكدرایەوە لە سۆشیال میدیا، وەك ساڵی 2014 دەیانگوت هەموو شتێك باشە و سنوورەكان پارێزراون.

ئێستە عێراق سوپایەكی گەورەی بردووەتە سەر سنوورەكانی لەگەڵ سووریا و مەترسی هێرشكردنە سەر عێراق زۆر زیاتر بووە، ئەوەیش دوای ئەوەی ئۆپۆزسیۆنی سووریا بەشێك لە سنوورەكانی لەگەڵ عێراق گرت.
 
ماوەی هەفتەیەكە شەڕ لە سووریا بەردەوامە و بەشێكی زۆری ئەو وڵاتانەی هاوپەیمانی سووریا بوون، ئەو وڵاتەیان جێهێشت و ئێستە مەترسی كەوتووەتە سەر دووەم گەورە شاری سووریا كە حمسە