ڕەفتارێکی ڕەیان كلدانی بەرامبەر هاوڵاتیانى هەژار بڵاوکرایەوە

لە ڤیدیۆیەکدا کە لە سەکۆکانی سۆشیالمیدیا بڵاو بووەتەوە، ڕەیان کلدانی، بەرپرسی بزووتنەوەی بابلیۆنی حەشدی شەعبی، گوێی کەسێکی سڤیل لێدەکاتەوە.
لە پارچە ڤیدیۆکەدا کە لە پێگەكانی سۆشیالمیدیا بڵاو کراوەتەوە، ڕەیان کلدانی، کە فەرماندەیەکی هێزەکانی حەشدی شەعبییە و بە سیاسەتی توندوتیژیی مەزهەبی و کاری نایاسایی و تیرۆر تۆمەتبارە، بە ئاشکرا و بە هەڕەشەوە، بە بەکارهێنانی چەقۆ، گوێی دەستگیرکراوێکی مەدەنیی بێچەک لێدەکاتەوە.
وەزارەتی گەنجینەی ئەمریكا، بزووتنەوەی بابیلۆنی ڕەیان كلدانی، بە گرووپێکی تیرۆرستی ناو هێناوە و سزای بەسەردا سەپاندووە، ئەوەش بە هۆی ئەوەی مافەکانی مرۆڤ لە عێراقدا پێشێل دەکەن.
بە گوێرەی بەیاننامەی گەنجینەی ئەمریکا، کلدانی لە ساڵی 2019ـەوە بە پێی یاسای ماگنیتسکی، بە هۆی پێشێلکاریی توندی مافەکانی مرۆڤ، سزای ئەمریکای بەسەردا سەپێنراوە.