ئهندامێكی لیژنهی دارایی پهرلهمانی عێراق رای دهگهیهنێت، چارهسهری كێشهی مووچهی فهرمانبهرانی ههرێم كراوه و هیچ گرفتێك نییه و بهغدا مانگانه دهینێرێت و سێ مووچهی ئهمساڵیش كه ماوه خهرجی دهكات.
ئهمڕۆ چوارشهم شهشی تشرینی دووهم، خهلیل غازی ئهندامی لیژنهی دارایی له پهرلهمانی عێراق، راگهیاند، كێشهی مووچه نهماوه و مانگانه بهغدا مووچهی فهرمانبهرانی ههرێمی كوردستان دهنێرێتــ، تهنیا ئهوهیه مانگانه بهغدا بهبێ هۆكار چهند رۆژێك مووچهی فهرمانبهران دوادهخات لهوادهی خۆی.
باسی لهوهشكرد، مووچهی ئهم سێ مانگانهی كۆتایی ساڵ كێشهی نهماوه و بهغدا ههر سێ مووچهكه دهنێرێت بۆ فهرمانبهرانی ههرێمی كوردستان، بڕیاریی دادگای فیدراڵیش ههیه لهو بارهوه كه ئهمساڵ تهواوی مووچه دهدهن و چارهسهری مووچهش له رابردوو كراوه له لایهن ههردوو حكوومهتی ههرێم و عێراق.
ئهوهش لهكاتێكدایه زۆرێك له پهرلهمانتارهكان باس له كێشهو گرفتی مووچه و نهدانی مووچه دهكهن له لایهن بهغداوه و خهڵك و فهرمانبهران رووبهڕووی نهخۆشی دهروونی دهكهنهوه بهبێ ئهوهی هیچ زانیارییهكیان ههبێت.
ههر ئهمڕۆ ئهنجوومهنی وهزیرانی كوردستان داوای كرد به غدا مووچهی مانگی 10ی فهرمانبهرانی كوردستان رهوانه بكات و هیچ بیانوو و لێبڕینێك نهدۆزێتهوه.
وەڵام بدەوه