ئێوارەی ئەمڕۆ پێنجشەممە نێردەی جۆو بایدن سەرۆكی ئەمریكا گەیشتە بەغدا و لەگەڵ محەمەد شیاع سوودانی سەرۆك وەزیرانی عێراقی فیدراڵ كۆ بووەوە.
میدیاكانی عێراق بڵاویان كردەوە كریستۆڤەر كۆنز سیناتۆری ئەمریكی و ئەندامی لیژنەی پەیوەندییەكانی دەرەوە لە كۆنگرێس، وەك نێردەی جۆو بایدن سەرۆكی ئەمریكا سەردانی عێراقی كردووە و لەگەڵ سوودانیدا كۆ بووەتەوە و ڕێككەوتننامەی ستراتیژیی نێوان ئەمریكا و عێراقیان تاوتوێ كردووە.
هەروەها لە كۆبوونەوەكەدا باسیان لە قۆناغی دوای دانانی خشتەیەكی كاتی بۆ كۆتاییهێنان بە ئەركی هێزەكانی هاوپەیمانیی نێودەوڵەتیی لە عێراق كردووە، بە جۆرێك پەیوەندییەكانی نێوان واشنتۆن و بەغدا بە گوێرەی ڕێككەوتننامەی ستراتیژیی نێوانیان پارێزراو بێت.
وەڵام بدەوه