ئەمڕۆ چوارشەممە ئەنجوومەنی باڵای دادوەری لە عێراق، ئەو سکاڵایەی ڕەت كردەوە كە بۆ هەڵوەشاندنەوەی پارتی تەقه‌دوم به سه‌رۆكایه‌تی محه‌مه‌د حەلبوسی بەرز كرابووەوە.
دەستەی دادوەریی تێهەڵچوونەوە لە ئەنجوومەنی باڵای دادوەری لە عێراق لەمبارەیەوە بەیاننامەیەكی دەركردووە و تیایدا رای گەیاندووە كە ئەو سكاڵایەی پێشكەش كراوە بۆ هەڵوەشاندنەوەی پارتی تەقەدوم، هیچ بنەمایەكی تێدا نییە كە ببێتە هۆكاری هەڵوەشاندنەوەی پارتەكە.
جێی باسە كۆتایی ساڵی رابردوو، بەشی کاروباری حزب و ڕێکخراوە سیاسییەکان لە کۆمسیۆنی باڵای سەربەخۆی هەڵبژاردنەکان لە عێراق، سکاڵایەکی یاسایی پێشکەش کرد بۆ هەڵوەشاندنەوەی پارتی تەقه‌دوم به سه‌رۆكایه‌تی محه‌مه‌د حەلبووسی سەرۆكی دوورخراوەی پەرلەمانی عێراق.
لە سكاڵاكەدا هاتبوو كە محەمەد حەلبووسی سەرۆکی پارتی تەقەدوم گرێبەستی لەگەڵ کۆمپانیای (BGR)ی ئەمریکی کردووە و گوایە پارەی بۆ كۆمپانیاكە ناردووە بەبێ ئاگاداری و رەزامەندی فەرمانگەی کاروباری پارت و رێکخراوە سیاسییەکان.
وەڵام بدەوه