مووچەی فەرمانبەرانی ھەرێم لەگەڵ مووچەی فەرمانبەرانی عێراق دابەش دەکرێت.
محەممەد شیاع سوودانی، سەرۆکوەزیرانی عێراق لیژنەیەکی بۆ هەموارکردنی یاسای بودجەی ساڵانی 2023،2024 و 2025 پێکیهێناوە. د. جەمال کۆچەر، ئەندامی لیژنەی دارایی پەرلەمانی عێراق، راگەیاند، لیژنەکە لە ئەندامانی لیژنەی دارایی پەرلەمانی عێراق، راوێژکارانی سەرۆکوەزیرانی عێراق و ئەندامانی شاندی هەرێمی کوردستان پێکهێنراوە بۆ گفتوگۆکردن لەبارەی پشکی هەرێمی کوردستان، هەر پارەیەک لە عێراق خەرجدەکرێت دەبێت چوارچێوەی یاسایی هەبێت، حکومەتی عێراق و بەرپرسانی عێراق رژدن چارەسەرێکی هەمیشەیی بۆ مووچەی فەرمانبەرانی هەرێمی کوردستان بکرێت.
ھەروەھا راگەیاند، پێشنیازەکە ئەوەیە مووچەی هەموو فەرمانبەرانی عێراق و هەرێمی کوردستان بخرێتە سەر بودجەی 'حاکیمە' بەوەش باسی مووچەی هەموو فەرمانبەرانی عێراق پێکەوە دەبێت، لە خشتەکەدا مووچەی 681 هەزار و 979 فەرمانبەری هەرێمی کوردستان هەیە کە مووچەکەیان 9.2 تریلیۆن دینارە، چەند چین و توێژێکی هەرێمی کوردستان دەبێت مووچەکانیان بخرێتە سەر بەغدا و ئێمەش ئەوەمان پێشنیازکردووە."
وەڵام بدەوه