سەرۆكی حكوومەتی هەرێمی كوردستان، پێشوازیی لە باڵوێزی کۆماری کازاخستان لە عێراق و ئوردن كرد و گفتوگۆ لەبارەی برەودان بە پەیوەندیی نێوان هەردوولا كرا.
ئەمڕۆ سێشەممە 12/12/2023، مەسرور بارزانی، سەرۆكی حكوومەتی هەرێمی كوردستان، پێشوازیی لە ئەیدەربێک توماتۆڤ، باڵوێزی کۆماری کازاخستان لە عێراق و ئوردن کرد، لە دیدارەكەدا، باڵوێزی کازاخستان خۆشحاڵیی خۆی بە سەردانکردن و پێشکەوتن و ئاوەدانیی هەرێمی کوردستان دەربڕی.
هەر لە دیدارەكەدا، گفتوگۆ لەبارەی برەودان بە پەیوەندیی نێوان هەردوولا، بە تایبەتی وەبەرهێنان و ئاڵوگۆڕی بازرگانی کرا، هەروەها سەرۆكی حكوومەت ئاماژەی بە ڕۆڵی کارا و بەهێزی ڕەوەندی کوردستانی لە کازاخستان دا.
وەڵام بدەوه