دۆلارێکی زۆر لە ئەمریکاوە گەیشتە عێراق

سەرچاوەیەكی بانکی ناوەندیی حكوومەتی عێراق، بە (ئاژانسی هەواڵی عێراق)ی ڕاگەیاند: “ئەمڕۆ چوارشەممە، بارێکی نوێی دۆلار له ئەمریکاوە گەیشتووە عێراق

سەرچاوەكە گوتیشی :"بارە نوێیەكانی دۆلار هاوردەكراو لە لایەن بانكەكانی عێراقەوە لە ڕێگەی فڕۆكەخانەی نێودەوڵەتی بەغداوە گەیشتوونەتە جێگەی داواكارییەكانی كڕیارەكانیان."

ئاماژەی بەوەش داوە، چەند ڕۆژی داهاتوودا باری زیادە دەگاتە دەستی بانکی ناوەندی..

لەناوەڕاستی ئەم  مانگەدا، بانكی ناوەندیی عێراق ئەنجامی كۆبوونەوەكانی لەگەڵ وەزارەتی گەنجینەی ئەمریكا ڕاگەیاند و 10 بانكی عێراقییش زیاد كراون بۆ پێدانی دۆلار و ڕێژەی حەواڵەی دۆلار زیاد دەكرێت، بەڵام سەرەڕای ئەو ڕێككەوتن و ڕێكارانە نرخی دۆلار بەرزە و بەردەوامە لە هەڵبەز و دابەز.