د. نەرمین مەعرووف، ئەندامی لێژنەی دارایی پەرلەمانی عێراق، ڕاگەیاند: یەک دوو رۆژێک دابەشکردنی مووچەی فەرمانبەرانی عێراق لە وادەی خۆی دوا کەوت، بەلام دەست بە دابەشکردنی کراوە، هەربۆیەش ڕێکاری ناردنی 700 ملیارەکە درەنگ کەوت.
جەختی کردەوە: هیچ کێشەیەک نییە و لە ئەمڕۆوە تاوەکوو کۆتایی ئەم ھەفتەیە ئەو 700 ملیارە دەدرێتە ھەرێمی کوردستان و بۆ مووچەی فەرمانبەران دەخرێتە سەر ھەژماری بانکی ھەرێمی کوردستان
نەرمین مەعرووف ئاشکراشی کرد، بەگوێرەی رێککەوتنەکەی نێوان ھەرێمی کوردستان و حکوومەتی فیدڕاڵ، بڕیار دراوە بۆ سێ مانگ لە رێگەی بانکەکانی (رافیدەین و رەشید و تی بی ئای)، مانگانە 700 ملیار دینار بە قەرز بە مەبەستی دابەشکردنی مووچەی فەرمانبەران بنێردرێ.
گوتیشی: وەكوو مانگی پێشوو لەلایەن بانكەكانی رەشید و رافیدەین و تی بی ئای، بە سێ گوژمە پارەكە بۆ هەرێمی كوردستان دەنێردرێت.
وەڵام بدەوه