لەگەڵ نزیكبوونەوەی وادەی هەڵبژاردنی پارێزگاكانی عێراق، داواكاریی خەڵكی بەسڕە بۆ بەهەرێمبوونی دەڤەرەكەیان دێتەوە بەر باس.
ئەنجوومەنی وەزیرانی عێراق، دوای 10 ساڵ بەسەر هەڵبژاردنیدا، رۆژی 18ی كانوونی یەكەمی ئەمساڵی بۆ هەڵبژاردنی پارێزگاكانی عێراق دەستنیشان كرد.
دوای ئەوەی چەندین جار داواكاریی خەڵكی بەسڕە بۆ بە هەرێمكردنی شارەكەیان هاوشێوەی هەرێمی كوردستان شكستی هێنا، سیاسییەكانی پارێزگا دەوڵەمەندەكانی باشووری عێراق دەستیان كردووە بە (وەك خۆیان دەڵێن) تەكتیكی نوێ بۆ جێبەجێكردنی داخوازیی هاووڵاتییان.
سیاسییەكان هاوپەیمانێتییەكی نێویان بە ناوی (كۆمەڵەی فەیحای فیدڕاڵی) دروست كردووە، كە ئامانجی ئەوەیە سیستەمی فیدڕاڵی لە عێراق لەسەر بنەمای ئۆتۆنۆمی بۆ هەرێمەكان لە بەسڕاوە رابگەیەنن.
كەریم شەواك، ئەندامی پێشووی ئەنجوومەنی پارێزگای بەسڕە و یەكێك لە دامەزرێنەرانی كۆمەڵەی فەیحای فیدڕاڵی، بۆ كەناڵی (حوڕە)ی ئەمریكی ئاماژەی بۆ ئەوە كردووە، كۆمەڵە تازەكەیان لایەنگرانی فیدڕاڵی لە تەواوی پارێزگاكانی عێراق كۆ دەكاتەوە.
شەواك ئاماژەی بۆ ئەوەش كردووە، كە دوای ئەوەی هیچ بەدەنگەوەهاتنێك بۆ داخوازیی شەقام و بڕیاری ئەنجوومەنی پارێزگاكەیان نەبوو، ئەوكات خەڵكەكە تێگەیشت، كە پێویستیان بە چوارچێوەیەكی سیاسی هەیە. دەشڵێ: ”لێرەوە دروستبوونی كۆمەڵەی فەیحای فیدڕاڵی بۆ ئەوەی ببێ بە چوارچێوە و مەرجەعی سیاسیی بۆ خەڵكەكە هاتە ئارا، بۆ ئەوەی داواكاریی بەهەرێمبوونی بەسڕە و ئەو دۆخەی دێتە پێش عێراق و بەسڕە بەتایبەتی بگرنە دەست
وەڵام بدەوه