دوای ئه‌وه‌ی ئه‌مڕۆ هه‌ینی، له شاری كۆیه، یه‌كه‌م حاڵه‌تی تای خوێنبه‌ربوون تۆمار كرا، به‌ڕێوه‌به‌رایه‌تیی پاراستنی ته‌ندروستیی كۆیه چه‌ند ڕێنیوێنییه‌كی بۆ هاوڵاتییان بڵاو كرده‌وه و ئاماژه بۆ ئه‌وه ده‌كا كه تاوه‌كوو تای خوێنبه‌ربوون كۆنتڕۆڵ ده‌كرێ گۆشت مه‌كڕن.
ئه‌مه‌ی خواره‌وه ده‌قی ڕێنیوێنییه‌كانی تایبه‌ت به كۆنتڕۆڵكردنی نه‌خۆشیی تای خوێنبه‌ربوونه كه به‌ڕێوه‌به‌رایه‌تیی پاراستنی ته‌ندروستیی كۆیه بڵاوی كرده‌وه:
١- دوورکەوتنەوە لەو شوێنانەی کە ئاژەڵی تێدا بەخێو دەکرێ و ئەگەر ماڵت نزیک ئەو شوێنانەیە دەتوانی ماڵەکەت بڕشێنی بەو ماده‌یه‌ی کە بۆ لەناوبردنی مێرووەکان بەکار دێت.
٢- دوورکەوتنەوە لەو کەسانەی کە نیشانەی نەخۆشییەکەیان هه‌یه.
٣-نەکڕین و نەخواردنی گۆشت تاوەکوو پەتایەکە کۆنتڕۆڵ دەکرێ و ئەگەر ناچاربووی دەتوانی گۆشتێک بکڕی کە لە شوێنی باوەڕپێکراو سەربڕدرابێ و مۆری پێوە بێ و لە شوێنیک بیکڕە کە لەژێر کۆنترۆڵی چاودێریی تەندروستییدا بێت و ئەگەر سەبڕخانە نەبوو کەواتە گۆشت مەکڕە.
٤- گۆشت فرۆشەکان دەبێ سەدریە، یان جلی دیسپۆزەبڵی تەواو داپۆشراو بەکار بێنن و جزمە لەپێ بکەن و ماسک و دەستکێش بكه‌ن، بۆ ئەوەی هیچ شوێنێک لە پێستیان بەر گۆشت و خوێنی ئاژەڵ نەکەوێت.
٥-کابانی ماڵ پێش دەست لێدان لە گۆشت، پێویستە دەستکێش لەدەست بکا و ئەو کەلوپەلانەی کە بۆ گۆشتەکە بەکار دێ، وەکو چەقۆ و تەختە، پێویستە زۆر بەباشی بشۆرێت و تێکەڵی کەلوپەلی تر نەکرێت.
٦-کوڵاندنی گۆشت بۆ ماوە زیاتر لە سەعاتێک.
٧-فڕێدانی پاشماوەی ئاژەڵ لەناو کیسی تایبەت و لە شوێنی تایبەت بە خۆڵ و خاشاک، یان بسوتێنرێت.
٨-ئەگەر هەستت کرد نیشانەکانی نەخۆشیەکەت هەیە، تکایە سەردانی پزیشک بکە و ئەگەر بەرکەوتنت هەبووە لەگەڵ کەسێک کە نەخۆشییەکەی هەیە، تکایە خۆت کەرەنتین بکە، بۆ ئەوەی زیاتر نەخۆشییەکە بڵاو نەبێتەوە، تاوەکوو یەکلا دەبیته‌وه بۆ پاراستنی کەسوکار و هاووڵاتیان.
وەڵام بدەوه