چەمچەماڵ/ ڕوداووی لافاوی ئەمڕۆ سێشەممە 2025/12/9 ...
لەسەر ڕاسپاردەی ڕێزدار (مەسرور بارزانی) سەرۆکی حکومەتی هەرێمی کوردستان بۆ بەهاناوەچوونی ئەم ڕوداووە،
دوابەدوای ڕوداووی ئەمڕۆی لافاوی قەزای چەمچەماڵ و لێکەوتنەوەی گیان لە دەستدانی دوو هاوڵاتی پیاوێکی تەمەن 72 ساڵ و ئافرەتێکی 22 ساڵ و برینداربوونی 12 هاوڵاتی دیکە، دەستبەجێ بەڕێز (د. سامان بەرزنجی) وەزیری تەندروستی و هەردوو بەڕێزان (د.،سەباح هەورامی) بەڕێوەبەری گشتی تەندروستی سلێمانی و (د. نورالدین جلال) بەڕێوەبەری نەخۆشخانەی گشتی چەمچەماڵ چاودێری ڕێکارەکانی فریاگوزاری نەخۆشان و قوربانیانی ئەم ڕوادووەیان کرد لەلایەن تیمەکانی فریاگوزاری و ئەمبوڵانس و لەهۆڵی پێشوازی لەلایەن پزیشکان و کارمەندانی تەندرۆستی کاری پێویست و خێرا ئەنجام درا و تائێستاش چاودێریکردنی پزیشکی و چارەسەرییەکان بەردەوامە بۆ ڕێکارەکانی فریاگوزاری تەندروستی و چارەسەرکردنی لیقەوماوان. لە لێدوانێکیدا بەڕێز وەزیری تەندروستی ڕایگەیاند:
ئەمڕۆ سێشەممە 2025/12/9 ڕوداووی لافاوێکی بە تەوژم گیان لەدستدانی دوو هاوڵاتی و برینداربوونی 12 هاوڵاتی لێکەوتەوە، لەسەر ڕاسپاردەی ڕێزدار (مەسرور بارزانی) سەرۆکی حکومەتی هەرێمی کوردستان بۆ بەهاناوەچوونی ئەم ڕوداووە، دەستبەجێ لەگەڵ بەڕێزان بەڕێوەبەری گشتی تەندروستی سلێمانی و بەڕێوەبەری نەخۆشخانەی گشتی چەمچەماڵ و تیمەکانی پزیشکی فریاکەوتن و ئەمبوڵانس و لایەنە پەیواندەرەکان لەسەر هێڵ بووین و ڕێکاری پێویست وەرگیرا و تا ئێستا فریاگوزاری هاوڵاتیان بەردەوامە. تیمەکانی فریاگوزاری تەندروستی چارەسەری نەخۆشانی ڕوداووی لافاو دەکەن و نەخۆشخانە و پزیشکان و کارمەندان لەکاردان بۆ چارەسەری پێویست و هەر پێداویستیەکی دیکەی پێویست بێت.
دڵگران و خەمگینین بەداخەوە بۆ گیان لەدەستدانی دوو هاوڵاتی و برینداربوونی ژمارەیەکی دیکەی هاوڵاتیان و زەرەروزیانی ماددی لە ماڵ و پێداویستی هاوڵاتیانی لەهەمان كاتدا سوپاس و دەستخۆشی خەمخۆری جەنابی ڕێزدار (مەسرور بارزانی) سەرۆكی حكومەتی هەرێمی كوردستان بكەین بۆ بەردەوام لەسەر هێڵ و پرسینەوە و بەدواداچوونی ڕوداووی لافاو و سوپاسی بەڕێزان بەڕێوبەرایەتی گشتی تەندروستی سلێمانی و بەڕێوەبەر و تیمەكانی پزیشكی فریاكەوتن و تیمەكانی فریاگوزاری و پزیشکان و کارمەندانی نەخۆشخانەی چەمچەماڵ دەكەین كەوا دڵسۆزانە بە ئەركی خۆیان هەڵساون و لە خزمەت هاوڵاتیاندا بوون بۆ پێشوازیکردن و چارەسەرکردنی نەخۆشان و دابینکردنی چارەسەر و پێداویستی پزیشکی بۆ لێقەوماوان.
خوای گەورە هەموولایەك لە رووداو كارەسات بپارێزێت و هیوای سەلامەتی بۆ برینداران و نەخۆشان و هەمووان.
وەزارەتی تەندروستی
حکومەتی هەرێمی کوردستان
9 کانونی یەکەم 2025
وەڵام بدەوه