نڕخێ زێڕ دابەزی

ئێوارەی ئەمڕۆ هەینی، نرخی ئۆنسەیەک زێڕ لە بۆرسەی جیهانیدا بۆ ٣,٩٢٠ دۆلاری ئەمریکی دابەزی. شارەزایانی ئابووری ئاماژە بەوە دەکەن کە لە مانگی تشرینی دووەمی ساڵی ٢٠٢٥ەوە ئەمە یەکەمجارە نرخی زێڕ بەمشێوەیە نزمبێتەوە.
هاوکات لەگەڵ دابەزینی نرخەکان لەسەر ئاستی جیهان، لە بازاڕەکانی زێڕەنگرانی هەرێمی کوردستانیش نرخی مسقاڵێک زێڕ بە شێوەیەکی بەرچاو دابەزی و نرخەکان بەم شێوەیەی خوارەوە جێگیر بوون:
• زێڕی عەیارە ١٨: مسقاڵێک بە ٨٠٠ هەزار دیناری عێراقی.
• زێڕی عەیارە ٢١: مسقاڵێک بە ٩٣٣ هەزار دیناری عێراقی.
• زێڕی عەیارە ٢٤: مسقاڵێک بە ملیۆنێک و ٦٥ هەزار دیناری عێراقی.
ئەم گۆڕانکارییە خێرایە لە کاتێکدایە کە بازاڕی زێڕ لەژێر کاریگەری پێشهاتە ئابوورییە نوێیەکانی جیهاندایە و بووەتە هۆی چالاکبوونی جووڵەی کڕین و فرۆشتن لە بازاڕە ناوخۆییەکاندا