نڕخی زێڕ دابەزی

لەگەڵ زیادبوونی مەترسییەكان لە زیادبوونی رێژەی هەڵاوسان، هاوكات لەگەڵ بەرزبوونەوەی نرخی نەوت، ئەمڕۆ پێنجشەم نرخی زێڕ و زیو لە داكشان بەردەوام بوو، ئەوەش پێشبینییەكانی لەبارەی مانەوەی نرخی سوود بە بەرزی بۆ ماوەیەكی زیاتر بەهێزتر كرد، لە ناو چاوەڕوانی وەبەرهێنەران بۆ ئەنجامی كۆبوونەوەی ئەنجوومەنی یەدەگی فیدرالی ئەمەریكا لە هەفتەی داهاتوودا. 
لە نوێترین مامەڵەكاندا، نرخی زێڕ 2% دابەزی و گەیشتنە 4063.86 دۆلار بۆ ئۆقیەیەك، لەوكاتەی نرخی زیو 5% دابەزی و گەیشتە 55.17 دۆلار بۆ ئۆقیەیەك.
ئەوە لەوكاتەی نرخی زێڕ لە مامەڵە راستەوخۆكان 1.4% پاشەكشەی كردبوو و گەیشتبووە 4084.25 دۆلار بۆ ئۆقیەیەك، كە ئەوەش نزمترین نرخە لە ماوەی دوو مانگی رابردوو، هەروەها گرێبەستەكانی ئەمەریكی زێڕ بۆ داهاتوو، مانگی كانوونی یەكەمی داهاتوو، 1.2% دابەزی و نرخەكەی گەیشتە 4100.30 دیلار بۆ ئۆقیەیەك.
دابەزینی نرخی زێڕ و زیو هاوكاتە لەگەڵ هەڵكشانی نرخی نەوت بۆ بەرزترین ئاستی لە مانگی ئایاری رابردووەوە، ئەوەش بەهۆی هێرشی حووسییەكان بۆ سەر سعوودیە، كە مەترسیی هەڵاوسانی زیاتر كرد و بووە هۆكاری زیادبوونی مەترسی لە زیادكردنی نرخی سوود لە لایەن ئەنجوومەنی یەدەگی فیدراڵی ئەمەریكی، كە بڕیارە هەفتەی داهاتوو كۆ ببێتەوە.