وەزیری دارایی پێشوازی لە ڕاوێژکاری سەرۆک وەزیرانی عێراق کرد.
ڕۆژی یەک شەممە ٢٠٢٤/٧/١٤، ئاوات شێخ جەناب وەزیری دارایی و ئابوری پێشوازی کرد لە دکتۆر هەیسەم حەسەنی ڕاوێژکاری سەرۆک وەزیرانی عێراق و سەرۆکی لیژنەی یەکخستنی ئیدارەی دارایی لە نێوان حکومەتی هەرێم و حکومەتی فیدراڵ.
وەزارەتی دارایی لە راگەیەنراوێكدا روونی كردووەتەكە كە لە دیدارێکدا گفتوگۆ لەسەر هەنگاوەکانی کارەکانی لیژنەی یەکخستنی ئیدارەدانی دارایی و ژمێریاریی لە نێوان وەزارەت و دامەزراوەکانی حکوومەتی هەرێم و حکوزمەتی فیدراڵ کراو وەزیری دارایی ئامادەیی وەزارەت و بەڕێوبەرایەتیە گشتییەکانی بۆ سەرخستنی کارەکانی لیژنەکەو یەکخستنی ڕێکارە دارایی و ژمێریاریەکان دوپات کردەوە.
لای خۆشیەوە دکتۆر هەیسەم حەسەنی ڕاوێژکاری سەرۆک وەزیرانی عێراق و سەرۆکی لیژنەی یەکخستنی ئیدارەی دارایی هەماهەنگی و پشتیوانی وەزیری دارایی و دام و دەزگاکانی وەزارەتی بەرزنرخاندو ڕایگەیاند هەوڵەکانیان چڕ دەکەنەوە تا کۆتایی ئەم مانگە کارەکانی لیژنەی یەکخستنی ئیدارەدانی دارایی تەواو بکەن.
بڕیاریشە چەندین خولی هاوبەش لە نێوان هەردوو وەزارەتی دارایی هەرێمی کوردستان و حکوومەتی فیدراڵی بۆ فەرمانبەرانی ژمێریاری تایبەت بە یەکخستنی ئیدارەدانی دارایی و ژمێریاری بکرێتەوە.
وەڵام بدەوه