به‌هۆى گرانبوونى زینه‌قه‌پان، نرخى گۆشت له بازاڕه‌كانى سلێمانى گرانبووه و قه‌سابێكیش ده‌ڵێت، كاتێك نرخى زینه‌قه‌پان گرانبێت قه‌سابخانه‌كانیش ناچارن گۆشت گرانبكه‌ن و لایه‌نى پێوه‌ندیداریش خۆیان نرخه‌كه‌یان دیاریكردووه.
ئه‌مڕۆ هه‌ینى 23ى شوباتى 2024، ژوار ئومێد خاوه‌نى قه‌سابخانه‌ى ئومێد، راگه‌یاند، نرخى ئاژه‌ڵ به زینه‌قه‌پان كیلۆى بووه به 10 هه‌زار دینار بۆ ئاژه‌ڵى بچووك، پێش ئه‌وه‌ى گرانبێت كیلۆى به هه‌شت هه‌زار دیناربوو، پێش ئه‌وه‌كاته‌ش كیلۆى به حه‌وت هه‌زار دینار بوو.
هه‌روه‌ها گوتى، به‌هۆى گرانبوونى زینه‌قه‌پان، گۆشتى سووریش گرانده‌بێت و قه‌سابخانه‌كان ناچارن گرانى بكه‌ن، لایه‌نى پێوه‌ندیداریش خۆى نرخ دیارى ده‌كات و ده‌بێت هه‌مووان پێوه‌ى پابه‌ندبن.
باسى له‌وه‌كرد، ئێسته یه‌ك كیلۆى گۆشتى سوور به‌رخ، به 23 هه‌زار دیناره، پێش گرانبوونى زینه قه‌پان كیلۆى به 20 هه‌زار دیناربوو.
وه‌ستا سیروان له قه‌سابخانه‌ى قوبادیی، راگه‌یاند، گرانبوونى گۆشت پێوه‌ندى به گرانى زینه‌قه‌پان هه‌یه، له‌باره‌ى ئه‌و نرخه‌ى ئێسته‌شى چاوه‌ڕێى لایه‌نى پێوه‌ندیدار ده‌كه‌ین بۆ ئه‌وه‌ى بزانین چ گۆڕانكارییه‌كى به‌سه‌ردا دێت.
وەڵام بدەوه