ئێستا نووسینگەی سوودانی روونکردنەوە دەدات لەبارەی ناردنی پارە بۆ مووچەخۆرانی ھەرێمی کوردستان.
کوردستان_پرێس: ئابووری.
نووسینگهی محهممهد شیاع سوودانی راگهیهندراوێكی لهبارەی ناردنی 700 ملیار دینار بۆ مووچەخۆرانی ھەرێمی کوردستان بڵاو كردهوه، تێیدا هاتووه: لهپێناو دهستهبهركردنی پارهی پێویست بۆ حكومهتی ههرێمی كوردستان و دابینكردنی مووچهی فهرمانبهران، له دانیشتنی ئهمڕۆ 17ـی ئهیلوولی 2023، بڕیاردرا قهرزێك به بڕی دوو تریلیۆن و 100 ملیار دینار بۆ مووچهخۆرانی ههرێمی كوردستان به سێ قۆناغ، ههر قۆناغێك 700 ملیار دینار دابین بكرێت.
ئهوهش خراوهتهڕوو، بڕیارهكه لهسهر بنهمای لێكتێگهیشتنی ئهرێنی نێوان ههولێر و بهغدا بووه و رێككهوتن كراوه بۆ جێبهجێكردنی پابهندییه دهستوورییهكان و ناوهڕۆكی یاسای بودجه. دوپاتیش كرایهوه، كه دیوانی چاودێری دارایی فیدراڵی و دیوانی چاودێری دارایی ههرێمی كوردستان ههماههنگی دهكهن.
وەڵام بدەوه