زانا هۆڵەندییەکە لەبارەی روودانی بوومەلەرزەیەکی دیکەی وێرانکەر هۆشاری دەدات، بەپێی لێكدانەوەكانی خۆی، كە پیی وایە لە رێی جوولەی هەسارەكانەوە ئەو بوومەلەرزەیە چالاك دەبێ، رایدەگەیەنێ ”نابێ ئەو لێكدانەوانە نادیدە بگیرێن.
ئەمڕۆ شەممە 18/3/2023، فرانک هۆگربێتس زانای بوومەلەرزەزانی هۆڵندی، بەبێ ئەوەی کاتەکەی دیاری بکات رایگەیاندووە کە پێشبینی دەکرێت لە هەریەک لە وڵاتانی عێراق، ئێران و لیبیا بوومەلەرزەی وێرانكەر ڕووبدات.
ئەو زانا هۆڵەندییە، كە بۆ پێشبینییەكانی، وەك خۆی دەڵێ، پشت بە راستییە زانستییەكان دەبەستێ لەسەر جووڵەی ئەستێرەكان و كاریگەرییان لەسەر گۆی زەوی، بەڵام لەلایەن زانایانی دیکەوە رووبەڕووی رەخنەی تووند بووەتەوە بەوەی کە هیچ کات پێشبینی روودانی بوومەلەرزە ناکرێت.
رۆژی 6ی شوباتی رابردوو، بوومەلەرزەیەكی بەهێز بە گوڕی 7.6پلەی رێختەر لە وڵاتی تووركیا و سووریا و باكوور و رۆژئاوای كوردستانی دا و زیاتر لە 50 هەزار كەسی كوشت و دەیان هەزار كەسیشی ئاوارە و بێماڵ و حاڵ كرد و بە هەزاران باڵەخانەیشی رووخان و چەندین ناوچەی نیشتەجێبوونی خاپوور كرد.
وەڵام بدەوه