بەهێزترین وڵاتی جیهان دێتە ناو شەڕەکە

وه‌زیری به‌رگری به‌ریتانیا ئاشكرای كرد، كه‌ وڵاته‌كه‌ی له‌ داهاتوویه‌كی نزیك سیسته‌می به‌رگری ئاسمانی دژه‌ مووشه‌ك له وڵاتی به‌حرێن و كوێت جێگیر ده‌كات.
جۆن هێلی وه‌زیری به‌رگری به‌ریتانیا له‌ په‌رله‌مانی وڵاته‌كه‌ی قسه‌ی كرد و گوتی، له‌ داهاتوویه‌كی زۆر نزیك پاتری به‌رگری ئاسمانی مووشه‌كی سووك له‌ به‌حرێن له‌گه‌ڵ مه‌شقی پێویست به‌ به‌حرێنییه‌كان داده‌نێت.
هێمای بۆ ئه‌وه‌یش كرد، كه‌ جیا له‌وه‌ سیسته‌می رابید سێنتری كه‌ سیسته‌می له‌ناوبردنی درۆنه‌ له‌ ئاسمانه‌وه‌ له‌ كوێت جێگیر ده‌كات. دووپاتی كرده‌وه‌ كه‌ سیسته‌می رابید سێنتری كه‌ سیسته‌مێكی مووشه‌كی دژه‌ فڕۆكه‌یه‌، چالاكی و به‌هێزی ته‌واوی خۆی له‌ له‌ناوبردنی درۆنه‌كان سه‌لماندووه‌ به‌ تایبه‌ت له‌ گه‌رووی هورمزه‌وه‌.
ئه‌و هه‌ڵوێسته‌ی له‌نده‌ن له‌ كاتێكدایه‌ پێشتر به‌رده‌وام دووپاتی له‌وه‌ ده‌كرده‌وه‌، كه‌ به‌ریتانیا به‌ هیچ شێوه‌یه‌ك نایه‌ته‌ نێو جه‌نگ دژی ئێران و چه‌ندان جاریش داوای ئه‌مه‌ریكا بۆ هاتنه‌ نێو جه‌نگ ڕه‌ت كرده‌وه‌، به‌ڵام له‌ هه‌فته‌ی ڕابردووه‌وه‌ هه‌ڵوێستی له‌نده‌ن گۆڕانكاری به‌سه‌ردا هات، سه‌ره‌تایش به‌ریتانیا ڕێی به‌ ئه‌مه‌ریكا دا كه‌ بنكه‌ی سه‌ربازی ئاسمانی به‌كاربهێنێت و ئێسته‌یش سیسته‌می دژه‌ درۆن و دژه‌ مووشه‌ك ڕه‌وانه‌ی كه‌نداو ده‌كات.