ئەمڕۆ پێنجشەممە، دوو كۆنگرێسمانی ئەمەریکی، لیندسی گراهام (کارۆلاینای باشوور) و ڕیچارد بلومێنتاڵ (ویلایەتی کەنتەکیت) لە هەردوو پارتی دیموكراتەكان و كۆمارییەكان، یاسای پاراستنی کوردیان ناساند، ئەمەش وەک وەڵامێک بۆ هێرشە دووبارەکانی هێزەکانی حکوومەتی سووریا بۆ سەر هێزەکانی سووریای دیموکرات. ئەم یاسایە سزا دەسەپێنێت بەسەر بەرپرسانی حکوومەتی سووریا و دامەزراوە داراییەکان، ئەو کەسە بیانییانەی کە هەر مامەڵە و پشتیوانیی سەربازی یان دارایی لەگەڵ حکوومەتی سووریا ئەنجام دەدەن.
لە کاتی هەوڵەکانی ئەمەریکا بۆ لەناوبردنی خەلافەتی داعش، هێزی سووریای دیموکرات بەشدارییەکی بەرچاوی لە سەرکەوتنی ئۆپەراسیۆنەکەدا کرد. دوابەدوای لەناوچوونی خەلافەتەکە، هێزەکانی سووریای دیموکرات، باکووری ڕۆژهەڵاتی سووریای کۆنترۆڵ کرد. دوای لەکارخستنی حکوومەتی ئەسەد، ئەحمەد ئەلشەرع، سەرکۆماری نوێی سوریا لەژێر پەردەی یەکخستنی وڵاتدا دوای چەندین ساڵ شەڕی ناوخۆ، هەڵمەتێکی دژی هێزەکانی سووریای دیموکرات بە سەرۆکایەتیی کوردەکان دەستپێکرد. بەڵام بەڵگە هەیە کە هێرشەکان بۆ سەر هێزەکانی هێزەکانی سووریای دیموکرات بە سەرۆکایەتیی کورد لەگەڵ بە هەماهەنگی و هاوکاریی تورکیایە.
ناوچەکانی کە لە ژێر کۆنترۆڵی هێزەکانی سووریای دیموکراتدایە، زیندانەکانی داعشی تێدایە کە لەلایەن هێزە کوردییەکانەوە پاسەوانی دەکرێن و نزیکەی هەزار سەربازی ئەمەریکی تێیدا نیشتەجێن. دووبارەبوونەوەی هێرشەکان بۆ سەر کوردەکان نەک هەر مەترسی لەسەر سەقامگیری ناوچەکە هەیە، بەڵکوو سەلامەتی سەربازانی ئەمەریکا، و پەیوەندییەکانی ئەمەریکا لەگەڵ حکوومەتی نوێی سوریاش دەخاتە مەترسییەوە. هەروەها مەترسی سەرهەڵدانەوەی دەوڵەتی ئیسلامیشی هەیە. بۆ ئاسایشی نیشتمانی ئەمەریکا زۆر گرنگە کە هاوپەیمانان و هاوبەشەکانی لەکاتی هەڕەشەکردندا پارێزراو بن، و ڕێگە نەدرێت داعش دووبارە دروستببێتەوە.
لیندسی گراهام، گوتی: "من پێموایە پاڵپشتیی دوولایەنەی بەهێز هەیە بۆ بیرۆکەی پاراستنی کورد لە سووریا و ناوچەکە، چونکە ئەوان هاوپەیمانێکی وا جێی متمانە بوون بۆ ئەمەریکا، هێزەکانی سووریای دیموکرات قورسایی شەڕی شکستپێهێنانی داعشی لە خولی یەکەمی سەرۆک ترەمپدا گرتە ئەستۆ. من تێدەگەم سووریا لەڕووی کولتووری و نەتەوەیی و سیاسییەوە ئاڵۆزە. لەگەڵ ئەوەشدا هێرشکردنە سەر کوردەکان پێگە و ئیرادەی ئەمەریکا زۆر کەم دەکاتەوە ڕێگری لە توانای سووریا دەکات بۆ گەشەکردنی وەک وڵاتێک بۆ ئەو وڵاتانە یان گروپانەی کە پێیان وایە وەرزی کراوەیە لەسەر کوردەکان لە سوریا بەبێ دەرئەنجام، بەداخەوە هەڵە دەبن."
ڕیچارد بلومێنتاڵ گوتی: "من باوەڕم وایە پێویستە کورد لە سووریا بپارێزین و هەنگاو بنێین بۆ دڵنیابوون لەوەی کە لە هەر تۆڵەکردنەوەیەک یان تۆڵەسەندنەوەیەک لەلایەن حکوومەتی سوریاوە پارێزراون."
یاسای پاراستنی کورد:
سزا بەسەر بەرپرسانی حکوومەتی سوریا و دامەزراوە داراییەکان دەسەپێنێت، هەروەها هەر تاکێکی بیانی کە هەر مامەڵەیەک پشتیوانیی سەربازی یان دارایی لەگەڵ حکوومەتی سووریا ئەنجام بدات.
دان بە هێزەکانی سووریای دیموکرات بە سەرۆکایەتیی کورد دەنرێت بۆ بەشداریکردنیان لە کارکردن لەگەڵ ئەمریکا بۆ نەهێشتنی داعش تەحریر شام (HTS) وەک ڕێکخراوێکی تیرۆریستی بیانی دەستنیشان دەکاتەوە، پێویستی بە پێداچوونەوەی کۆنگرێس هەیە بۆ لابردنی دانانی سووریا وەک سپۆنسەری دەوڵەتی تیرۆر دەسەڵات دەدات بە سەرکۆمار کە سزاکان ڕابگرێت لەگەڵ بڕوانامەدان بە کۆنگرێس کە حکوومەتی سووریا هەموو هێرشەکانی بۆ سەر هێزەکانی سووریای دیموکرات بە سەرۆکایەتیی کورد و هاوبەشەکانیان ڕاگرتووە، ڕێوشوێنی خێرا لەخۆدەگرێت، کە پێویستە سەرکۆمار دەستبەجێ سەرجەم سزاکان بسەپێنێتەوە ئەگەر حکوومەتی سوریا هەموو هێرشەکانی بۆ سەر هێزەکانی سووریای دیموکرات بە سەرۆکایەتیی کورد یان هاوبەشەکانیان دەست پێبکاتەوە.
وەڵام بدەوه