هاوكات لەگەڵ بەردەوامیی گفتوگۆ ناراستەوخۆكانی ئیسرائیل و بزووتنەوەی حەماس لە میسر، ماركۆ رۆبیۆ وەزیری دەرەوەی ئەمەریكا دووپاتی كردەوە كە وڵاتەكەی سەرپەرشتیی هەوڵێكی چڕ بۆ گەڕاندنەوەی بارمتە ئیسرائیلییەكان و كۆتاهێنان بە فەرمانڕەوایەتیی حەماس لە غەزە دەدات، ئەو پابەندیی ئەمەریكای بە سەقامگیریی ناوچەكە دووپات كردەوە.
روونی كردەوە، رۆژهەڵاتێكی ناوەڕاستی بێ تیرۆر كڕۆكی پلانەكەی سەرۆك ترەمپە بۆ ئاشتی و ئاشتەوایی لە ناوچەكە، دووپاتی لە بەردەوامبوونی ئەمەریكا لە سەركردایەتیكردنی هەوڵە دیپلۆماسییەكان بۆ گەیشتن بەو ئامانجانە كردەوە، ئاماژەی كرد، ئەمەریكا دووپات لە مافی ئیسرائیل لە بوون و بەرگریكردن لە خۆی بەرانبەر هەر هەڕەشەیەك دەكاتەوە، ئەوەش لە چوارچێوەی هەوڵەكانی گەیشتن بە ئاشتییەكی سەرانسەری و بەردەوام كە نەك تەنیا ئاسایشی ئیسرائیل، بەڵكو ئاشتی تەواوی ناوچەكە مسۆگەر بكات.
ئەمڕۆ سێشەم بەدر عەبدولعاتی وەزیری دەرەوەی میسر دووپاتی كردەوە كە گفتوگۆكانی شەرمولشێخ لە نێوان هەردوو شاندی ئیسرائیل و حەماس بە بەشدارییەكی ناوچەیی بەردەوامە و بڕیارە سبەی چوارشەم شاندی ئەمەریكا بە سەرۆكایەتیی ستیڤ ویتكۆف نێردراوی تایبەتی ئەمەریكا بۆ رۆژهەڵاتی ناوەڕاست بێتە ناو گفتوگۆكانەوە.
وەڵام بدەوه