دوای ئەمڕۆ ئەمریکا ڕایگەیاند، کە پێشوەختە قەتەڕیان ئاگادارکردووەتەوە لەوەی کە ئیسرائیل دەیەوێت لە خاکی وڵاتەکەیان هێرشێک بۆ سەر بەرپرسانی حەماس ئەنجام بدات، قەتەڕ ئەو بانگەوازەی ئەمریکای ڕەتکردەوە و دەڵێت ناڕاستە.
وەزارەتی دەرەوەی قەتەر ڕایگەیاند، ئەو هەواڵانەی باس لەوە دەکەن کە پێشوەختە ئاگاداری هێرشی ئیسرائیلمان پێدراوە، "ناڕاستن". ئەو پەیوەندییە لە لایەن ئەو بەرپرسە ئەمریکییەوە لە کاتێکدا پێمان گەیشت کە مووشەکەکانی ئیسرائیل بەسەر دەوحەدا دەکەوتنە خوارەوە.
ئەمەش دوای ئەوە دێت ئەمڕۆ کارۆلین لیڤیت، وتەبێژی کۆشکی سپی ڕایگەیاند، بەرەبەیانی ڕۆژی شەممە حکومەتی ئەمریکا لە بڕیارەکەی ئیسرائیل بۆ هێرشکردنە سەر دەوحە ئاگادارکراونەتەوە. ئاماژەی بەوەشکرد، دۆناڵد ترەمپ، سەرۆکی ئەمریکا ستیڤ ویتکۆف، ڕاوێژکاری باڵای خۆی ڕاسپاردووە، قەتەر لە هێرشە نزیکەکە ئاگادار بکاتەوە.
ئەمڕۆ ئیسرائیل هێرشی ئاسمانی کردە سەر بەرپرسانی لیژنەی دانوستانکاری حەماس لە قەتەڕ.
حەماس ڕایگەیاند ئیسرائیل سەرکەوتوو نەبووە لە کوشتنی بەرپرسانی حەماس بەڵام پێنج کەس لەو هێرشەدا کوژران، کە بریتیبوون لە؛ هومام ئەلحەییە کوڕی خەلیل ئەلحەییە، بەرپرسی مەکتەبی سیاسی حەماس و جیهاد لبد بەڕێوەبەری نووسینگەکەی. لەگەڵ کوژرانی سێ پاسەوان.
وەڵام بدەوه