ماڵپەڕی ئەکسیۆسی ئەمریکی لەسەر زاری دوو سەرچاوەی ئاگادار ئاشکرای کرد، شاندەکانی ئێران و ئەمریکا حەفتەی داهاتوو لە ئۆسلۆ، پایتەختی نەرویج گەڕێکی دیکەی دانوستان لەسەر بەرنامەی ئەتۆمیی ئێران بەڕێوە دەبەن.
بەپێی هەواڵی ئەکسیۆس، ستیف ڤیتکۆف، نوێنەری تایبەتی سەرۆکی ئەمریکا بۆ کاروباری ڕۆژهەڵاتی ناوەڕاست، بە نیازە حەفتەی داهاتوو لە ئۆسلۆ لەگەڵ عەباس عێراقچی، وەزیری دەرەوەی ئێران کۆبێتەوە بۆ ئەوەی دانوستانە ئەتۆمییەکانی نێوان دوو وڵات دەست پێ بکاتەوە.
ڕێکەوتی ئەم دیدارە هێشتا دیاری نەکراوە و هیچکام لە دوو وڵاتیش بە فەرمی ئەم هەواڵەیان پشتڕاست نەکردووەتەوە.
ئەکسیۆس ئاماژەی بەوەش کردووە، ڤیتکۆف و عێراقچی لە دوای ڕاگەیاندنی ئاگربەستی نێوان ئێران و ئیسرائیل، بە شێوەی ڕاستەوخۆ لە پەیوەندیدا بوون بۆ ئەوەی دانوستانەکانی نێوان دوو وڵات لەسەر بەرنامەی ئەتۆمیی ئێران دەست پێ بکاتەوە.
کۆبوونەوەی ئۆسلۆ، دەبێتە شەشەم گەڕی دانوستانەکانی نێوان ئێران و ئەمریکا. پێشتر، بەر لە هێرشی ئیسرائیل بۆ سەر دامەزراوە سەربازی و ئەتۆمییەکانی ئێران، دوو وڵات لە ماوەی 60 رۆژدا 5 گەڕی دانوستانیان بەڕێوە بردبوو.
KurdistanPress
کوردستان پڕێس سەرچاوەیەکى گرنگ بۆ بینینى نوێترین هەواڵى سیاسیى , کۆمەڵایەتى,لە هەرێمی کوردستان ,ئەوروپا ئێمە فۆکس دەخاینە سەرئەوبابەتانەى کوردانەن و پەیوەندیان هەیە بە ئایندە و داهاتووى گەلەکەمان , ئامانجان بڵاوکردنەوەى بابەتى ڕۆشنبیرى و چەسپاندنی دیموكراتی, کارەنمان بڵاو دەکەینەوە لەڕیگەى ویب سایت و سۆشیال میدا لەئیستادا تەنیا بەزمانى کوردى بابەتەکانمان بڵاو دەکەینەوە لەناوخۆى کوردستان و ئەوروپا لە داهاتووى نزیک بەزمانى تریش کارەکانمان بڵاو دەکەینەوە ئامانجمان ئەوەیە ببینە سەرچاوەیەکى راست و گرنگ بۆ گەیاندنى هەوڵ بۆهەواداراکانمان بەپێى یاساکانى ڕۆژ نامەوانى , ئێمە لەڕێگەى لەتۆڕە کۆمەڵایەتیەکانمان و ویب سایتەکەمان بابەتەکانمان بڵاو دەکەینەوە
وەڵام بدەوه