وێڕای زۆربوونی فشاره‌كان له‌سه‌ر ئێران بۆ ڕازی بوونی به دانوستان و ڕێككه‌وتن له‌گه‌ڵ ئه‌مه‌ریكا، له ئیستادا ئێران بژارده‌ی تری له‌به‌رده‌م نه‌ماوه و بڕیار وایه سبه‌ی شه‌ممه 12ی نیسانی 2025 له مه‌سقه‌تی پایته‌ختی عوممان هه‌ردوولا له‌سه‌ر ئاستی باڵا كۆببنه‌وه .
ئاژانسی (ئێرنا)ی نزیك له حكوومه‌تی ئێران ڕایگه‌یاند ،بڕیار وایه به‌یانی شه‌ممه هه‌ردوو شاندی باڵای ئێران و ئه‌مه‌ریكا كه پێكهاتوون له عه‌باس عێراقچی وه‌زیری ده‌ره‌وه‌ی ئێران و نێرده‌ی تایبه‌تی دۆناڵد تره‌مپ بۆ ڕۆژهه‌ڵاتی ناوه‌ڕاست ستیڤ ویتکۆف له مه‌سقه‌تی عوممان كۆببنه‌وه .
له‌وباره‌یه‌وه ،ئیسماعیل به‌قائی گوته‌بێژی وه‌زاره‌تی ده‌ره‌وه‌ی ئێران رایگه‌یاند: "كۆبوونه‌وه‌كه نا ڕاسته‌وخۆ ده‌بێت و به‌هیواین ئه‌مه‌ریكا ڕێز له دانوستان و هه‌وڵه دیپلۆماسییه‌كان بگرێت له‌پێناو له‌یه‌كتر گه‌یشتنی زیاتر، ئه‌گه‌ر چی ئه‌مه‌ریكا به‌نیه‌تی دوژمنكارانه ڕه‌فتار له‌گه‌ڵ ئێمه‌دا ده‌كات".
ئه‌گه‌رچی ئه‌مه‌ریكا داوای گفتوگۆی ڕاسته‌خۆی له ئێران كردووه له‌مه‌ڕ ڕێكه‌وتن له‌سه‌ر چاڵاكییه ئه‌تۆمییه‌كان ،به‌ڵام ئێران ڕه‌تی كردووه‌ته‌وه كه گفتوگۆی ڕاسته‌وخۆ بكات و رایگه‌یاندووه به‌شێوه‌ی ناراسته‌وخۆ دێته ناو گه‌ڕی دیپلۆماسی و دانوستانه‌كان له‌گه‌ل ئه‌مه‌ریكا .
جێی سه‌ره‌نجه ،هه‌فته‌ی ڕابردوو چه‌ندینجار دۆناڵد تره‌مپ سه‌رۆكی ئه‌مه‌ریكا دووپاتی له‌وه كرده‌وه ئه‌گه‌ر ئێران به ڕێكه‌وتن ڕازی نه‌بێت بژارده‌ی سه‌ربازی به‌رامبه‌ریان ده‌گرینه به‌ر .
سبەی کۆبونەوەی ناڕاستەوخۆ ئەنجام دەدرێت
5رۆژ پێش ئێستا |
KurdistanPress  |
KurdistanPress
کوردستان پڕێس سەرچاوەیەکى گرنگ بۆ بینینى نوێترین هەواڵى سیاسیى , کۆمەڵایەتى,لە هەرێمی کوردستان ,ئەوروپا ئێمە فۆکس دەخاینە سەرئەوبابەتانەى کوردانەن و پەیوەندیان هەیە بە ئایندە و داهاتووى گەلەکەمان , ئامانجان بڵاوکردنەوەى بابەتى ڕۆشنبیرى و چەسپاندنی دیموكراتی, کارەنمان بڵاو دەکەینەوە لەڕیگەى ویب سایت و سۆشیال میدا لەئیستادا تەنیا بەزمانى کوردى بابەتەکانمان بڵاو دەکەینەوە لەناوخۆى کوردستان و ئەوروپا لە داهاتووى نزیک بەزمانى تریش کارەکانمان بڵاو دەکەینەوە ئامانجمان ئەوەیە ببینە سەرچاوەیەکى راست و گرنگ بۆ گەیاندنى هەوڵ بۆهەواداراکانمان بەپێى یاساکانى ڕۆژ نامەوانى , ئێمە لەڕێگەى لەتۆڕە کۆمەڵایەتیەکانمان و ویب سایتەکەمان بابەتەکانمان بڵاو دەکەینەوە
وەڵام بدەوه