به‌گوێره‌ى پرۆژه یاساییه‌ك كه پێشكه‌شى كۆنگرێسى ئه‌مریكا كراوه، له ماوه‌ى 180 رۆژ سزا به‌سه‌ر ده‌یان لایه‌ن و كه‌سایه‌تى عێراقى بسه‌پێنرێت و پرۆژه یاساكه‌ش به ناوى "رزگاركردنى عێراق له ئێران" ئاماده‌كراوه.
ئه‌مڕۆ هه‌ینى چوارى نیسانى 2025 ماڵپه‌ڕى كه‌ناڵى سۆمه‌رییه نیوزى عێراقى ناوه‌ڕۆكى ئه‌و پڕۆژه یاسایه‌ى بڵاوكردووه‌ته‌وه كه له‌لایه‌ن سیناتۆرى كۆمارى جۆ ویلسۆن پێشكه‌ش به كۆنگرێس كراوه به ناوى "رزگاركردنى عێراق له ئێران".
ئه‌و پڕۆژه یاسایه هاوشێوه‌ى پڕۆژه یاساى رزگاركردنى عێراقه له ده‌ستى سه‌دام كه له ساڵى 1998 پێشكه‌ش به كۆنگرێس كرا، به‌ڵام ئه‌مجاره ئامانج دوورخستنه‌وه‌ى هه‌ژموونى ئێرانه له عێراق.
له ورده‌كاریى پڕۆژه یاساكه هاتووه، له ماوه‌ى 180 رۆژ هه‌وڵى نه‌هێشتنى هه‌ژموونى ئێران بدرێت، به‌وه‌ى 20 لایه‌نى سیاسى و كه‌سایه‌تى نزیك له ئێران سزا بدرێن له‌لایه‌ن وه‌زاره‌تى ده‌ره‌وه و گه‌نجینه‌ى ئه‌مریكاوه. ئه‌مه سه‌ره‌ڕاى دادگاییكردنى هه‌ندێكیان، هه‌روه‌ها هاوكارییه ته‌ناهییه‌كانى ئه‌مریكا بۆ عێراق بوه‌ستێنرێت، میلیشیاكانى حه‌شدى شه‌عبى به "رێكخراوى تیرۆریستى" ناو ببرێن. له به‌رانبه‌ردا پاڵپشتى ئۆپۆزسیۆن و رێكخراوه‌كانى كۆمه‌ڵى مه‌ده‌نى بكرێت.
له‌ماوه‌ى چه‌ند ساڵى رابردوودا، ئه‌مریكا سزاى به‌سه‌ر چه‌ندان كه‌سایه‌تى و رێكخراو و دامه‌زراوه‌ى عێراقى سه‌پاندووه، به تۆمه‌تى ئه‌وه‌ى په‌یوه‌ندییان له‌گه‌ڵ ئێران هه‌بووه و سیاسه‌تى ئه‌و وڵاته‌یان په‌یڕه‌و كردووه
ئەمەریکا سزا بەسەر ئەو گروپانەی عێراق دەسەپێنێت
4رۆژ پێش ئێستا |
KurdistanPress  |
KurdistanPress
کوردستان پڕێس سەرچاوەیەکى گرنگ بۆ بینینى نوێترین هەواڵى سیاسیى , کۆمەڵایەتى,لە هەرێمی کوردستان ,ئەوروپا ئێمە فۆکس دەخاینە سەرئەوبابەتانەى کوردانەن و پەیوەندیان هەیە بە ئایندە و داهاتووى گەلەکەمان , ئامانجان بڵاوکردنەوەى بابەتى ڕۆشنبیرى و چەسپاندنی دیموكراتی, کارەنمان بڵاو دەکەینەوە لەڕیگەى ویب سایت و سۆشیال میدا لەئیستادا تەنیا بەزمانى کوردى بابەتەکانمان بڵاو دەکەینەوە لەناوخۆى کوردستان و ئەوروپا لە داهاتووى نزیک بەزمانى تریش کارەکانمان بڵاو دەکەینەوە ئامانجمان ئەوەیە ببینە سەرچاوەیەکى راست و گرنگ بۆ گەیاندنى هەوڵ بۆهەواداراکانمان بەپێى یاساکانى ڕۆژ نامەوانى , ئێمە لەڕێگەى لەتۆڕە کۆمەڵایەتیەکانمان و ویب سایتەکەمان بابەتەکانمان بڵاو دەکەینەوە
وەڵام بدەوه