ئه‌مڕۆ چوارشه‌ممه 2ی نیسانی 2025 کاڕۆلین لیڤیت گوتەبێژی کۆشکی سپی ڕایگه‌یاندووه ،هێزەکانی ئەمەریکا نزیکەی 200 هێرشیان کردووتە سەر بنکە و حەشارگەی چەکدارانی حووسی، ئامانجیش له‌م هێرشه چڕانه‌ی ئه‌مه‌ریكا بۆ سه‌ر حووسییه‌كان لێدانی ڕاسته‌وخۆیه له هه‌ژموونی ئێران له ناوچه‌كه
کاڕۆلین لیڤیت، گوتەبێژی کۆشکی سپی لە کۆنگرەیەکی ڕۆژنامەوانیدا ڕایگەیاند، چڕكردنه‌وه‌ی هێرشەكانی ئەمەریکا له هه‌فته‌ی ڕابردوودا بۆ سەر حووسییەکانی یه‌مه‌ن کاریگەرییەکی زۆری هەبووە لەسەر لاوازکردنی توانا سه‌ربازی و لۆجیستییه‌كانی ئێران لە ناوچەکەدا، بۆ ئه‌وه‌ی چیتر ئێران شه‌ڕی به وه‌كاله‌ت نه‌كات .
کاڕۆلین لیڤیت ڕاشیگه‌یاندووه ، لە هێرشەکاندا ژمارەیەک سەرکردە و ئەندامانی باڵای حووسییه‌كان کوژراون، جەختیشی کردەوە، هێزەکانی ئەمەریکا تا ئەو کاتەی ئاشتی و سەقامگیری بۆ ناوچەکە دەگەڕێننەوە به‌تایبه‌تیت ئاسایشی ده‌ریایی، لە هێرشەکانیان بەردەوام دەبن .
جێی سه‌ره‌نجه چه‌ند ڕؤژێك له‌مه‌وبه‌ر دۆناڵد تره‌مپ، سه‌رۆكی ئه‌مه‌ریكا ڕایگه‌یاند بوو، به پێی پلانێك هێرشەکانیان بۆ سەر چەکدارە حووسییەکانی یەمەن چڕتر دەکەنەوە تا ئه‌ندازه‌ی پاككردنه‌وه‌یان له ناوچه‌كه ، ڕاشیگه‌یاندووه هێشتا حووسییه‌كان ئازاری گه‌وره‌تریان نه‌دیووه و ئه‌وه سه‌ره‌تایه
گوته‌بێژی كۆشكی سپی : لێدان له حووسییه‌كان لێدانه له هه‌ژموونی ئێران
1رۆژ پێش ئێستا |
KurdistanPress  |
KurdistanPress
کوردستان پڕێس سەرچاوەیەکى گرنگ بۆ بینینى نوێترین هەواڵى سیاسیى , کۆمەڵایەتى,لە هەرێمی کوردستان ,ئەوروپا ئێمە فۆکس دەخاینە سەرئەوبابەتانەى کوردانەن و پەیوەندیان هەیە بە ئایندە و داهاتووى گەلەکەمان , ئامانجان بڵاوکردنەوەى بابەتى ڕۆشنبیرى و چەسپاندنی دیموكراتی, کارەنمان بڵاو دەکەینەوە لەڕیگەى ویب سایت و سۆشیال میدا لەئیستادا تەنیا بەزمانى کوردى بابەتەکانمان بڵاو دەکەینەوە لەناوخۆى کوردستان و ئەوروپا لە داهاتووى نزیک بەزمانى تریش کارەکانمان بڵاو دەکەینەوە ئامانجمان ئەوەیە ببینە سەرچاوەیەکى راست و گرنگ بۆ گەیاندنى هەوڵ بۆهەواداراکانمان بەپێى یاساکانى ڕۆژ نامەوانى , ئێمە لەڕێگەى لەتۆڕە کۆمەڵایەتیەکانمان و ویب سایتەکەمان بابەتەکانمان بڵاو دەکەینەوە
وەڵام بدەوه