وەزارەتی دەرەوەی ئەمەریکا رایگه‌یاند، ده‌بێت سەرجەم هێزە ئەمنی و چه‌كداره‌كانی عێراق له نێویشیاندا حەشدی شەعبی، له بری تاران، فه‌رمان له بەغداوه وه‌ربگرن.
ئاشكراشیكرد، ئه‌مه‌ریكا چه‌ند گرووپێكی چەکداری عێراقی خستووه‌ته نێو لیستی لیستی تیرۆره‌وه.
لە کۆنفرانسێکی ڕۆژنامەوانیدا تامی برووس، وتەبێژی وەزارەتی دەرەوەی ئەمەریکا رایگه‌یاند، پێویستە عێراق گوشاره بخاته سه‌ر هەموو هێزە ئەمنییەکانی بۆ ئه‌وه‌ی گوێڕایه‌لی بن و کۆنترۆڵیان بکات، بەو هێزانەشەوە کە لە حەشدی شەعبیدان.
ئاماژه‌ی به‌وه‌شكرد، ئه‌مه‌ریكا چەند ڕێکخراوێکی عێراقی خستووه‌ته نێو لیستی تیرۆرەوە كه کردەوەی توندوتیژیان ئەنجام داوه و بوونه‌ته هۆكاری ناسەقامگیریی له ناوخۆی عێراق و ناوچه‌كه.
جه‌ختیشی كرده‌وه پێویسته سه‌رجه‌م هێز و گرووپه چه‌كداره‌كانی عێراق گوێرایەڵی فەرمانەکانی فەرماندەی گشتیی سوپای عێراق بن نەك ئێران.
هاوكات رایگه‌یاند، کاری لەپێشینەی سەرۆکی ئەمەریکا پاراستنی هاووڵاتییان و بەرژەوەندییەکانی وڵاتەکەیەتی، بۆیه ئەمەریکا هانی حکوومەتی عێراق دەدات ئەو گرووپانە کۆنترۆڵ بکات و له ئه‌گه‌ری پێشێلکردن و پابه‌ندنه‌بوونیان به پاراستنی یاساکان، لێپرسینەوەی جددیان لەگەڵ بکات.
KurdistanPress
کوردستان پڕێس سەرچاوەیەکى گرنگ بۆ بینینى نوێترین هەواڵى سیاسیى , کۆمەڵایەتى,لە هەرێمی کوردستان ,ئەوروپا ئێمە فۆکس دەخاینە سەرئەوبابەتانەى کوردانەن و پەیوەندیان هەیە بە ئایندە و داهاتووى گەلەکەمان , ئامانجان بڵاوکردنەوەى بابەتى ڕۆشنبیرى و چەسپاندنی دیموكراتی, کارەنمان بڵاو دەکەینەوە لەڕیگەى ویب سایت و سۆشیال میدا لەئیستادا تەنیا بەزمانى کوردى بابەتەکانمان بڵاو دەکەینەوە لەناوخۆى کوردستان و ئەوروپا لە داهاتووى نزیک بەزمانى تریش کارەکانمان بڵاو دەکەینەوە ئامانجمان ئەوەیە ببینە سەرچاوەیەکى راست و گرنگ بۆ گەیاندنى هەوڵ بۆهەواداراکانمان بەپێى یاساکانى ڕۆژ نامەوانى , ئێمە لەڕێگەى لەتۆڕە کۆمەڵایەتیەکانمان و ویب سایتەکەمان بابەتەکانمان بڵاو دەکەینەوە
وەڵام بدەوه