سەرۆكی ئەمەریكا باسی دەرچوونی نەوەی شەشەمی فڕۆكەی جەنگاوەریی ئێف-47 دەكات كە ئامادەیە بخرێتە خزمەتی هیزی ئاسمانیی ئەمەریكاوە و بەمەش وەك دەڵێت، زلهێزیی خۆیان لە ئاسمانی هەموو جیهاندا نوێ دەكەنەوە.
ئەمڕۆ هەینی، 21ی ئادار، دۆناڵد ترەمپ، سەرۆكی ئەمەریكا، لە كۆنگرەیەكی ڕۆژنامەوانیدا بە ئامادەبوونی پیت هیگست، وەزیری بەرگری و جەنەڕاڵ دەیڤد ئەلوین، دانەیەكی ئەزموونیی لە فڕۆكەی جەنگیی ئێف-47 ئاشكرا كرد كە ماوەی پێنج ساڵە بە نهێنی بە ئاسماندا دەسووڕێتەوە، بەبێ ئەوەی هیچ ڕادارێك هەستی پێ بكات، بۆیە گوتی، ئەم فڕۆكەیە هێزی ئاسمانیی ئەمەریكا دەباتە قۆناغێكی نوێوە.
لە ڕاگەیاندنەكەدا، هەریەكە لە جەنەراڵ ئەلوین و ئەدمیراڵ جێمس كلیبی، جێگری فەرماندەی ئۆپراسیۆنە دەریاییەكان، باسی ئەو تایبەتمەندییانەیان بۆ سەرۆكی ئەمەریكا كرد كە لە فڕۆكە نوێیەكەدا هەیە و پێی گوتن كە دەبێت زوو ئامادە بێت بۆ هێزەكانیان.
فڕۆكەی ئێف-47 بە پێشكەوتووترین فڕۆكەی جەنگیی ئەمەریكا دادەنرێت لە مێژوودا، بەهۆی ئەو توانا تایبەتانەی هەیەتی، بەتایبەتی توانای خۆشاردنەوە لە ڕادار، پڕچەككردنی نوێترین جۆری چەك و تایبەتمەندیی زیرەكیی دەستكرد و زۆر ڕووی تر كە ئاشكرایان نەكردووە.
وەڵام بدەوه