ئێستە دۆناڵد ترەمپ سەرۆكی ئەمەریكا لەسەر چەندان ئاست مامەڵە لەگەڵ تەنگژەكانی دنیا دەكات، شەڕی ئۆكراینا و كەرتی غەزە و ئێران و ئەوانیتریش، گوشارەكانی ئیدارەكەی بۆ سەر ئێران لە زیادبوونە، وەزیری گەنجینەی ئەمەریكا دووپاتی دەكاتەوە كە وڵاتەكەی هەڵمەتی ئەوپەڕی گوشار لە رێگەی سەپاندنی سزای زیاتر بەسەر ئێران پیادە دەكات.
سكۆت بیسنت وەزیری گەنجینەی ئەمەریكا لە نیویۆرك گوتی، ئەمەریكا هەڵمەتی ئەوپەڕی گوشار لە رێگەی سەپاندنی سزا بەسەر ئێران پیادە دەكات، ئەوەش بە مەبەستی بەسفركردنی هەناردە نەوتییەكانی و گوشارخستنە سەر دراوەكەی.
روونی كردەوە، جارێكی تر مایەپووچكردنی ئێران سەرەتای گۆڕانكارییەكانە لە سیاسەتی ئێمە لە سەپاندنی سزاكان، ئەمەریكا پلانێكی بە دەستە بۆ بەربەستكردنی هەناردنی نەوتی ئێران لە رێگەی رێگرتن لە كەشتییە نەوتییەكانی لە دەریا، واشنتن رێگری لە ئێران دەكات دەستی بە سیستمی دارایی دنیا بگات لە رێگەی كردنەئامانجی دەوروبەركەی.
ئەو هەنگاوانەی ئەمەریكا لە چوارچێوەی هەڵمەتی دۆناڵد ترەمپ سەرۆكی ئەمەریكایە كە لە ماوەی رابردوو بڕیارێكی واژوو كرد بۆ بەسفركردنی هەناردنی نەوتی ئێران و ناچاركردنی بۆ وەستانی پیتاندنی یۆرانیۆم و واژووكردنی رێككەوتنێكی نوێی ئەتۆمی.
وەڵام بدەوه