دوای 40 رۆژ لە گرتنەدەسەڵات لە كۆشكی سپی، بڕیارە سبەی سێشەم دۆناڵد ترەمپ سەرۆكی ئەمەریكا وتارێك لە كۆنگرێس پێشكەش بكات و تیایدا دیدی خۆی لەبارەی ناوخۆی و ئەمەریكا و دنیا باس بكات، ئەوەش دوای ئەوەی لەو ماوە كورتەی لە كۆشكی سپی بە بڕیارەكانی دۆخی ناوخۆ و دەرەوەی ئەمەریكا بە تەواوەتی شێواند.
ئەو وتارەی ترەمپ لەبەردەم كۆنگرئس یەكەمینە لە دوای گەڕانەوەی بۆ كۆشكی سپی، كە لە تەلاری كاپیتۆل لە واشنتن لە سەعات 2:00ی بەربەیانی چوارشەم لەبەردەم ئەندامانی هەردوو ئەنجوومەنی نوێنەران و پیران پێشكەشی دەكات، پێشبینی دەكرێت باسی بڕیار و رێوشوێنەكانی لە ماوەی 43 رۆژی رابردوو بكات، جیا لەو بڕیارانەی بە نیازە لە ماوەی داهاتووی دەسەڵاتی لە كۆشكی سپی وەریان بگرێت.
تۆمی تۆبریفل سیناتۆری كۆماری دەڵێت، پێشبینی دەكرێت ترەمپ لە وتارەكەی رووناكی بخاتە سەر ئەو سەركەوتنانەی ئیدارەكەی لە ماوەی رابردوو بە دەستی هێناوە، پلانێكیش بۆ چوار ساڵی داهاتوو پێشكەش بكات، ئەوەی دووپاتكراوەیە كە وتارەكەی ترەمپ لەو گاڵتەجاڕییەی چوار ساڵی رابردوو لە جۆ بایدنمان دەبیست جیاواز دەبێت.
وەڵام بدەوه