سەرۆكی ئەمەریكا رای گەیاند كە رۆژی هەینی سەرۆكی ئۆكراینا سەردانی ئەمەریكا دەكات و رێككەوتن لەبارەی ئەو كانزا دەگمەنانە و چەند پرسێكی تر دەكەین و هاوكات ئاماژەیشی كرد كە هەموو ئەو پارانەی لە ئۆكراینا خەرجمان كردوون دەیگەڕێنینەوە.
ئێوارەی ئەمڕۆ چوارشەم 26ی شوباتی 2025، ئاژانسی سپۆتنیكی رووسی لە زاری دۆناڵد ترەمپی سەرۆكی ئەمەریكا گواستییەوە، كە رۆژی هەینی ڤلادمێر زیلینسكی سەرۆكی ئۆكراینا سەردانی ئەمەریكا دەكات.
لەبارەی ئامانجی سەردانەكەوە، ترەمپ رای گەیاندووە كە لەگەڵ ئۆكراینا هەینی رێك دەكەوین لەبارەی ئەو كانزا دەگمەنەی ئۆكراینا بانگەشەی بۆ دەكات كە دەیدات بە ئەمەریكا لەگەڵ چەند پرسێكی تریش.
ترەمپ ئەوەیشی گوتووە، ئەمەریكا ئەو پارانە وەردەگرێتەوە كە لە ئۆكراینا خەرجی كردوون.
جێگەی ئاماژەیە پێشووتر زێلنسكی رای گەیاند كە كانزایەكی دەگمەنیان هەیە لە ئۆكراینا كە لە زێڕ گرنگترە و ئامادەن بیبەخشن بە ئەمەریكا لەبەرانبەر پاراستنیان، لە بەرانبەریشدا ترەمپ گلەیی ئەوەی لە ئیدارەی بایدن كرد كە پارەیەكی زۆری لە پاراستنی ئۆكراینا بە هەدەر داوە كە هیچ سوودێكی بۆ بەرژەوەندی ئەمەریكا نییە.
وەڵام بدەوه