باڵوێزخانەی عێراق لە لەوڵاتێک گڕی گرت

بەپێی میدیا عێراقییەكان، ئەمڕۆ باڵەخانەی باڵوێزخانەی عێراق لە هۆڵەندا گڕی گرتووە، تا ئێستەیش هۆكاری ئاگرەكە نەزانراوە و زیانەكانیش رانەگەیەنراون. 

ئەمڕۆ دووشەم 27ی كانوونی دووەمی 2025، بەشێك لە ئاژانسە هەواڵییەكانی عێراق بڵاویان كردووەتەوە، ئاگرێك لە نهۆمی سێیەمی باڵوێزخانەی عێراق لە هۆڵەندا لە شاری ئەمستردام كەوتووەتەوە. 

بەهۆی سروشتی رووداوەكە كە تازەیە، هێشتا هیچ راگەیەنراوێكی فەرمی لەبارەی هەواڵەكە بڵاو نەكراوەتەوە، هاوكات زانیاری لەبارەی هۆكارەكە نەزانراوە و زیانەكانیشی بە نادیاری ماونەتەوە. 

تا ئامادەكردنی ئەم هەواڵە "سەعات 6 و 45"ی ئێوارە بەكاتی هەولێر، هیچ زانیاری و وردەكارییەكی تر رانەگەیەنراوە و لە كاتی گەیشتنی زانیاریی نوێ، ئەم هەواڵە نوێ دەكرێتەوە.