زیندانە فیدراڵییەکان فەرمانێکیان لە دۆناڵد ترەمپ، سەرۆکی ئەمریکا پێگهیشت بۆ گواستنەوەی ئهو ئافرهتانهى ڕەگەزگۆڕاون بۆ تێپەڕاندنی سزاکانیان لە زیندانەکانی پیاواندا.
ڕۆژنامەی نیویۆرک تایمز بڵاویکردەوە، ئەو بەڵگەنامەیە بەشێک بووە لە فەرمانێک کە ترەمپ لە یەکەم ڕۆژی دەستبەکاربوونیدا دەریكردووه، بهڵام بهشێك له چالاكانى مافى مرۆڤ ڕەخنەیان لە فەرمانەکە گرتووە و دەڵێن ئەوە دەیانخاتە مەترسییەوە.
لە ساڵی 2018 ـدا و لە یەکەم خولی سەرۆکایەتی ئەمریکادا، ترامپ خزمەتکردنی کەسانی ڕەگەزگۆڕاوی لە سەربازی قەدەغە کرد، جگە لە بارودۆخی ناوازە. هەروەها قەدەغەکردنەکە کاریگەری لەسەر ئەو کەسانە هەبووە کە تووشی ناڕێکی ڕەگەزی بوون، کە حاڵەتێکە پەیوەندی بە کەسانی ڕەگەزگۆڕاوەوە هەیە کە کەسێک ناتوانێت ناسنامەی ڕەگەزی خۆی بە تەواوی قبوڵ بکات. کەسانی ڕەگەزگۆڕاو لە ساڵی 2016بە فەرمانی باراک ئۆباما مافی خزمەتکردنیان لە سوپای ئەمریکادا، پێدرا.
دوای دەستبەکاربوونی لە 20ى 1ى ئەمساڵدا، ترەمپ ئەو یاسایەی پێچەوانە کردەوە کە لەلایەن بایدنی پێش خۆیەوە سەپێندرابوو، کە "نابێت ناسنامەی ڕەگەزی ببێتە بەربەست لەبەردەم خزمەتکردنی سەربازیدا و بەهێزی ئەمریکا لە فرەچەشنییەکەیدایە".
لە 20ی 1ى 2025 ترەمپ فەرمانی جێبەجێکردنی واژۆکرد کە تەنها دوو ڕەگەزی بایۆلۆژیی ههیه (نێر و مێ)، و لەسەر ئاستی دەوڵەت ئەم پۆلێنانە دروست دەکرێن: "ژن"، "کچ"، "پیاو"، "کوڕ"، "مێ"، "نێر".
بەپێی یاساکە، هەموو دەزگاکان پێویستە ئەم پۆلانە تەنها "لەکاتی لێکدانەوە یان جێبەجێکردنی یاسا، یان ڕێنماییەکان، و لە چالاکییەکانی تری دەزگا فەرمییەکان، بەڵگەنامە و پەیوەندییەکان" بەکاربهێنن. پرسیارنامەکانی دەزگا نابێت هیچ پرسیارێک سەبارەت بە ناسنامەی ڕهگهزی لەخۆ بگرێت.
وەڵام بدەوه