سەرۆكی ڕووسیا دووپاتی دەكاتەوە كە ئەو پلانەی دایانناوە بۆ گەشەسەندنی بەرنامە ئەتۆمییەكەیان بەردەوام دەبن.
ئەمڕۆ هەینی، 21ی حوزەیران، فلادیمێر پوتین، سەرۆكی ڕووسیا، لە میانەی دەرچوونی پۆلێكی ئەكادیمیای سەربازی و پۆلیس و هەواڵگری، گوتارێكی پێشكەش كرد و تێیدا گوتی، ئێمە بەردەوامین لەسەر ئەو بەرنامەیەی هەمانە بۆ برەودان بە بەرنامە ئەتۆمییەكەمان و هێزی ئەتۆمیی ڕووسیا پلەی یەكەمی لە جیهاندا هەیە، ئەمەش هۆكاری بەرگرییەكی بەهێزە بۆ ئێمە.
هەروەها ئەوەی خستە ڕوو، لەمیانەی برەودان بە سوپاكەماندا، نوێترین جۆری چەك و فڕۆكەی بێفڕۆكەوان لە جەنگی ئۆكرانیادا بەكار دەهێنین و لە داهاتوودا دەیبینن.
سەرۆكی ڕووسیا لەبارەی پێشكەوتنە ئەتۆمییەكەیان ئەوەشی گوت، سێكوچكەی ئەتۆمی بەهێز دەكەین بۆ ئەوەی باڵانسی هێز لە جیهاندا ڕابگرین.
وەڵام بدەوه