لەکاتێکدا میدیای نێوخۆیی باس لە زیادبوونی ناکۆکیی نێوان سەرۆکی وڵات و سیاسەتمەدارانی ئۆکراینا دەکەن، ڤۆلۆدیمیر زێلێنسکی، سەرۆکی ئۆکراینا داوای کۆکردنەوەی 500 هەزار پیاو بۆ بەشداریکردن لە شەڕی دژی رووسیا دەکات.
لە دوای کۆبوونەوەی سەرۆک و وەزیرانی وڵات، سەرۆکی ئۆکراینا بە رۆژنامەنووسانی راگەیاند کە سەرکردایەتی سەربازی پێشنیاری کۆکردنەوەی "450 بۆ 500 هەزار کەس"ـی بۆ بەرەکانی جەنگ کردووە.
زێلێنسکی گوتی "راستە ئەمە ژمارەیەکی زۆرە، بەڵام بۆ بەرگریکرن لە خۆمان و خاکمان پێویستمانە، بۆیە داوا دەکەم هاوکاریی هێزەکانمان بکەن".
لە مانگی 11ـی ئەمساڵدا، فەرمان بە ڤالێری زالوژنی، جەنەڕاڵی باڵای ئۆکراینا و روستێم ئومێرۆڤ، وەزیری بەرگری ئۆکراینا کرابوو کە پلانی نوێی کۆکردنەوەی سەرباز بخەنەڕوو.
وەڵام بدەوه