به‌شێوه‌یه‌كی به‌رچاو نرخی نه‌وت به‌رزبووه‌وه‌

سه‌رله‌ئێواره‌ی ئه‌مڕۆ سێشه‌م نرخی نه‌وت له‌ بازاڕه‌كانی جیهان به‌شێوه‌یه‌كی به‌رچاو به‌رزبووه‌وه‌ و به‌شێوه‌یه‌ك كه‌ دوای 9 مانگ بۆ یه‌كه‌مجار بگاته‌ ئه‌م نرخه‌ی ئێستا.
به‌رزبوونه‌وه‌ی نرخی ئه‌مڕۆی نه‌وت له‌دوای بڕیاری هه‌ردوو وڵاتی سعوودییه‌ و ڕووسیا هات كه‌ بڕیاریان دا بۆ ماوه‌ی 3 مانگی تر رۆژانه‌ به‌رهه‌مێنانی یه‌ك به‌رمیل نه‌وت كه‌م بكه‌نه‌وه‌.
ئه‌م بڕیاره‌ی سعوودییه‌ و ڕووسیا، ڕاسته‌وخۆ نرخی نه‌وتی له‌ بازاڕه‌كانی جیهان به‌رز كرده‌وه‌، به‌شێوه‌یه‌ك كه‌ نرخی هه‌ر به‌رمیلێك نه‌وتی برێنت به‌ ڕێژه‌ی 1.45%ی به‌رزبووه‌وه‌ و گه‌یشته‌ 90.29 دۆلار.
به‌هه‌مانشێوه‌ نرخی نه‌وتی خاوی تێكساسی ئه‌مه‌ریكیش ڕووی له‌ به‌رزبوونه‌وه‌ كرد و هه‌ر به‌رمیلێك ڕێژه‌ی 1.95%ی نرخه‌كه‌ی هاته‌ سه‌ر، واته‌ ئێستا به‌ 87.22 دۆلار مامه‌ڵه‌ی پێوه‌ ده‌كرێ.
ئه‌مه‌ له‌كاتێكدایه‌ كه‌ له‌ 18ی تشرینی دووه‌می 2022وه‌وه‌ ئه‌مه‌ یه‌كه‌مجاره‌ نرخی به‌رمیلێك نه‌وتی برێنت بگاته‌ سه‌رووی 90 دۆلاره‌وه‌