دەزگای خێرخوازی تابۆی ( قەدەغە) سنوورە دەسکردەکانی کوردستانی بڕی و بۆ ئەو بەر سنوورە دوورە دەستە کوردستانیەکان پەلی هاویشت.
دامەزراوەی خێرخوازی بارزانی پانتای کارو چالاکی و خزمەتگوزاریەکانی بەرفراوان کرد و جمووجۆڵ و خزمەتە بێ بەرامبەرەکانی بۆ ناوچە و شارو لادێی دوورە دەستەکانی بەشەکانی تری کوردستان گواستەوە.
پرەنسیپی کارکردنی دەزگای خێرخوازی بارزانی و پارادایمی پشت دامەزراندنی ئەم یەکە خزمەتگوزارە، کارکردنی بەردەوام و چالاکی و گەیاندنی یارمەتیە بە خۆراییەکانە بۆ هەموو کوردێک.
ئامادەیی و هاتنەکایەی دەزگای خێرخوازی لە غیابی دامەزراوەی تری خێرخوازیەوە نەبووە، بەڵکو سەرچاوەی لە بەردەوامێتی رێبازی بارزانی و پرەنسیپە فکریەکان ئەم سەرکردە مێژووییەوە وەرگرتووە و خاوەنی بناغەیەکی هزری گەورەو بەرفراوانە.
هەروەک بارزانی نەمر موڵکی هەموو کورد بوو و تایبەت نەبوو بە ناوچەیەکی جوگرافی دیاریکراوەوە، دەزگای خێرخوازی بارزانیش موڵکی گشت کوردێکە لەهەر شوێنێکی کوردستان بێت.
هەموو دەزگا خێرخوازیەکان بە تایبەتی ئەوانەی مۆرکی جیهانی بوونیان پێوەدیارە، سەرەتا لە خاڵێک و سنوورێکی جوگرافیای دیاریکراوو بچووکەوە دەستیان پێکردووەو دواتر گەشەیان سەندووەو لق و پۆپی تریان لێکەوتۆتەوەو لە رووبەرێکی تری بەرفراوان درێژەیان بە چالاکیەکانیان داوەو ناسراون.
وەڵام بدەوه