شاردنەوەو دزینەوەی دۆلار بە مەبەستی بەرزکردنی بەهاکەی لە بازاڕەکان و دەست خستنی بڕێک قازانج و دەست مایەیەکی ناچیز لەم بارودۆخەی ئێستادا، نواندنی بێویژدانی و هێمای داڕمانی ئەخلاقی باندە مافیاییەکانی پشت ئەم بزنسە چەپەڵەن.
عێراق و هەرێمی کوردستان حاڵی حازر لە رووی دارایی و ئابوری و ژیان و گوزەرانی هاونیشتیمانیانەوە بە قۆناغێکی سەختدا تێدەپەڕن.
گڵدانەوەو کۆکردنەوەی دۆلارەکان بە گۆژمەی زۆر لە بازارەکان هیچی لە خیانەتی نیشتیمانی کەمتر نیەو هاوشانی سیخوری کردنە بەسەر ژیانوگوزەرانی خەڵک و دروست کردنی ئاڵۆزی و نیگەرانی و نائومێدیەوە .
باندوگرووپە بەدمۆڕاڵە بێ ویژدانە دەست رۆیشتووەکان ئەم دۆخە ئاڵۆزەی رۆژهەڵاتی ناوەڕاست و حکومەتی تازەی بەغدایان قۆستۆتەوەو بە بێویژدانیەوە بەربوونەتە گیانی بازاڕی دراوو تێکدانی سەوداو کاروکاسبی خەڵک و هۆکاری سەرەکی بەرز بوونەوەی نرخی شتومەک و پێداویستی و کاڵا سەرەکیە رۆژانەییەکانی هاوڵاتیانن.
پرسیاری سەرەکی ئەوەیە: کێ لەم
دۆخە پشکی شێری بەردەکەوێ و بەرپرسیاری سەرەکیە؟
گەر لایەنە پەیوەندی دارە حکومیەکان چارەسەرێکی بە پەلە بۆ ئەم دۆخە ئاڵۆزو مایەی نیگەرانیەی دراو نەدۆزرێتەوە، بۆی هەیە گرانیەکی قورس و هەمەلایەنە روو لە بازاڕ بکات و ئابوری عێراق و بە دڵنیاییشەوە هەرێمی کوردستان بخاتە بەردەم چەندین ئەگەرو سناریوی ترسناکی داڕمان و هەڵتەکانەوە.
وەڵام بدەوه